潮玩新聞

【新片速報】加州山林大火「救貓片」熱傳     被救貓仔超嗲人
by / on 21/11/2018 at 7:55 am

【新片速報】加州山林大火「救貓片」熱傳 被救貓仔超嗲人

美國加州山林大火傷亡慘重,至今77人喪生近千人失踪,救災人員個個都好攰,不過最近有段關於救貓嘅片喺網上熱傳,救災人員Ryan Coleman喺現場發現咗隻貓,隻貓一見到佢就好熱情,仲企喺佢膊頭不停用頭揩揩刷刷,段片放上網後好多人討論,有人話隻貓好鍾意呢位新主人,有人讚Ryan係真英雄。最新消息係隻貓嘅主人已經聯絡咗佢哋,而家隻貓會留喺附近鄰居屋企等主人。入嚟有得回帶睇返條片,睇得出隻喵真係好鍾意Ryan,超嗲。

Read more ›

北海道超靚雪景 美瑛「青池」一生必去一次
by / on 21/11/2018 at 7:11 am

北海道超靚雪景 美瑛「青池」一生必去一次

日本北海道今年嘅初雪遲咗,有網民去咗被形容為絕世靚景,位於美瑛嘅「青池」影相,雖然現場凍到手都痺埋,但啲風景真係超靚,難怪佢話一生難忘。入嚟有得睇埋夜景同埋3日間景色嘅變化,有機會去開北海道可以計劃吓呢個行程。

Read more ›
【新片速報】小朋友第一次剪髮爆喊    髮型師合唱片Twitter熱傳
by / on 21/11/2018 at 7:07 am

【新片速報】小朋友第一次剪髮爆喊 髮型師合唱片Twitter熱傳

好有愛呀!呢位估計來自意大利嘅小朋友第一次去剪頭髮,可能太驚所以爆喊!不過現場班髮型師竟然一齊合唱兒歌分散佢嘅注意力,仲要唱到好high搖晒手,超搞笑。最後策略成功,個小朋友好快就唔喊嘞。段片喺Twitter都有超過4百萬瀏覽,好誇張,入嚟有片睇。

Read more ›
日本「水手喵」頸圈新造型    全部變學生超搞笑
by / on 21/11/2018 at 7:00 am

日本「水手喵」頸圈新造型 全部變學生超搞笑

自從出咗貓頭套扭蛋之後,喵星人就好唔得閒,最近qualia仲推出嘅呢款「喵水手」服裝,其實係水手領嘅圍巾,相比起貓頭套,隻喵應該無咁抗拒‥‥‥啩?而戴上去個效果就好似變晒學生咁,好搞笑!而家已經推出咗,有興趣嘅貓奴快啲買返個嘞。

Read more ›
林皮推出蘇飛福袋 Pinkoi Market有賣
by / on 20/11/2018 at 9:15 pm

林皮推出蘇飛福袋 Pinkoi Market有賣

本土插畫家林皮首次出女飛賊蘇飛限定福袋,喺嚟緊Pinkoi Market品品市集發售,福袋有唔同價錢同款式,內餡有2019月曆、燙金紙膠帶、化妝收納袋、故事書之類。係佢Fans的話,記得捧場。

Read more ›
梁瑋豪製《壽星仔》WhatsApp sticker 歡迎下載
by / on 20/11/2018 at 8:45 pm

梁瑋豪製《壽星仔》WhatsApp sticker 歡迎下載

近排人人都玩WhatsApp sticker,相信你都儲落唔少喇,而作為上官小強Fans嘅你我他,又點可以少咗呢套《壽星仔》sticker呀。呢套sticker由梁瑋豪問准陳太主理,有阿壽、強記同火麻仁選擇,鍾意嘅,自己Download喇喂。

Read more ›

網圖分享:Man僧的NBA球星系到畫作
by / on 20/11/2018 at 8:23 pm

網圖分享:Man僧的NBA球星系到畫作

Man僧手畫就是強中之強,平時見佢畫嘅畫九成係黑白,今次玩著色,主題係NBA球星。畫風好出,面相Sharp醒但下半身畫啲唔畫啲有留白,最頂癮係個籃球,一個橙色圓圈就交代到。字母哥、西書、勒邦占士、夏登同米高佐敦,你鍾意邊個?我最Like西書,入樽好似想殺人咁款,個表情兇狠到呢……

Read more ›
【有片】瘋狂還原!日本高中生重演麥記癲喪小孩
by / on 20/11/2018 at 8:17 pm

【有片】瘋狂還原!日本高中生重演麥記癲喪小孩

本身原版條片都夠癲,我唔知麥記加海綿寶寶原來可以令班細路咁喪。不過估唔到係有高中學生出手重演少年版,見到佢哋嘅演技,第時一定會出人頭地o架!

Read more ›
日本高手製作 軟綿特撮感《電腦奇俠》羊毛氈
by / on 20/11/2018 at 8:07 pm

日本高手製作 軟綿特撮感《電腦奇俠》羊毛氈

又係日本羊毛氈高手,不過今次唔係整動物,而係特撮角色!係《人造人間キカイダー》嘅主角呀!如果有埋架電單車就正!又唔知佢之後會唔會整埋黑魔?

Read more ›
馬星原出布袋 伏虎羅漢+達摩
by / on 20/11/2018 at 9:00 am

馬星原出布袋 伏虎羅漢+達摩

馬星原畫兒童向嘅《白貓黑貓》掂,畫水墨一樣掂,佢推出嘅兩個布袋,一畫伏虎羅漢,一畫達摩,簡單構圖配短短文字,我就覺得Very good嘞,唔知又啱唔啱大家心水?有興趣的話,PM佢喇。

Read more ›
【有片】超治癒「串燒喵兄弟」     大被冚頭瞓影片Twitter熱傳
by / on 20/11/2018 at 7:52 am

【有片】超治癒「串燒喵兄弟」 大被冚頭瞓影片Twitter熱傳

呢段片真係超治癒,難怪喺Twitter已經超過100萬瀏覽。天氣凍凍哋,有咩好得過瞓覺?仲要冚住被瞓,仲要3隻喵攬住一齊瞓,好識嘆!睇完我都撻返落床唔想返工。

Read more ›

日本網民揭穿「高飛狗」邪惡一面   狂撳BB面珠超搞笑
by / on 20/11/2018 at 7:48 am

日本網民揭穿「高飛狗」邪惡一面 狂撳BB面珠超搞笑

平時喺主題樂園入面見到嘅卡通人物,對小朋友好親切好友善架,不過日日對住咁多曳嘅小朋友,有時都會忍唔住露出真性情嘅。好似最近有日本網民分享咗張相,話發現高飛狗抱住佢個囡囡時竟然篤人哋塊面珠墩!個B俾佢搞到呆咗唔識反應,而高飛狗個樣就超邪惡嘞!之後唔少網民貼圖回帶,原來主題樂園經常發生呢類事件,入嚟有得睇返,似乎受害人通常都係小朋友喎。

Read more ›
【相集】「超級英雄BB」系列     蜘蛛俠B倒吊好曳
by / on 20/11/2018 at 7:39 am

【相集】「超級英雄BB」系列 蜘蛛俠B倒吊好曳

超級英雄都會有意外,如果佢哋唔覺意做咗爹哋,佢哋嘅BB會係點?巴西插畫師Lucas Eduardo Nascimento創作嘅「超級英雄BB」系列就加入咗佢嘅幻想,有齊Iron Man、閃電俠、蜘蛛俠、蝙蝠俠‥‥‥全部都好寫實,入嚟有得睇晒佢。鍾意嘅可以follow埋佢IG,入面有好多超級英雄搞笑插畫睇。

Read more ›
日本網民推介「動物趴地攬枕」 超可愛啱做聖誕禮物
by / on 20/11/2018 at 7:00 am

日本網民推介「動物趴地攬枕」 超可愛啱做聖誕禮物

好快又開始凍,如果有個可愛攬枕擺喺屋企,個人好似無咁寂寞喎。日本有網民推介呢款動物趴地攬枕,官方名係「ねむねむプレミアム抱き枕」佢話無論手感同埋視覺上都係最正,有好多款動物,全部都超可愛。入嚟有樂天網站連結,買嚟做聖誕禮物都唔錯,不過小心會上癮,日本有網民就越買越多,而家屋企變咗小型動物園‥‥‥

Read more ›
網圖分享:Milk DoNg的地獄版龍虎三皇
by / on 19/11/2018 at 10:00 pm

網圖分享:Milk DoNg的地獄版龍虎三皇

雖則唔明面書朋友仔Milk DoNg點解咁話:「如無意外…應該係最後一次畫呢三隻嘢。」但佢口中嘅呢三隻嘢確實係破格之作,印象中未見過,甚至諗都未諗過原來可以咁玩法──將王小虎變成閻王、王小龍變成馬面、石黑龍變成牛頭──嗯……咁仲唔係地獄版龍虎三皇?

Read more ›

本週人氣

13435 views

日本熱傳小情侶插圖 表面純愛暗藏歡樂

5193 views

【相集】「超級英雄BB」系列 蜘蛛俠B倒吊好曳

3867 views

被惡搞 地下偶像變《遊戲王》「封印されしエクゾディア」

3516 views

【有片】日本機迷發現 任天堂DS隱藏彈射功能?

3397 views

【撞樣】名牌手袋超似「拉打」Decade 相似度100%日本Twitter熱傳