影音新聞

$2,180
by / on 27/02/2013 at 11:00 am

Spyder4ELITE校色器 芒/電視iPad/iPhone都適用

    有冇試過幫芒校色!? 未? 咁你一定試過呢頭PS完張相俾人, 0個頭第二個芒睇完全算晒色! 以前玩校芒, 分分鐘買件0野皮皮聲, 最近瑞士色彩管理品牌Datacolor, 新推一隻Spyder4ELITE,佢唔止芒、電視可校, 連iPad、iPhone都有專用App幫你校, 機價$2,180, 多樣器具Share, 感覺抵玩好多!

Read more ›

美國隊長鬆懈時   男人最痛
by / on 27/02/2013 at 10:56 am

美國隊長鬆懈時 男人最痛

倫敦啱啱舉行完Super Comic Convention,照舊有好多cosplayer盛裝出席,又照舊有攝影師/龍友落力拍攝,不過最吸引我目光係呢張由Rick Findler拍攝嘅美國隊長靚相。當時呢位cosplayer去緊小解,正處於美國隊長最鬆懈嘅時候,就喺呢個時候比人影低咗。一世英明呀,唉。我哋之前都報導過一輯美國隊長退休生活嘅相集,英雄人物湊B篤波悠悠閒,入嚟有得重溫。

Read more ›
新片速報 玩8 Bit MV 王若琳新曲《You and Me》
by / on 27/02/2013 at 10:44 am

新片速報 玩8 Bit MV 王若琳新曲《You and Me》

雖然外國都已經有唔少Rapper或者歌手用遊戲8 bit音樂加畫面做歌曲、MV,不過華語歌手方面,台灣女歌手Joanna Wang王若琳好似係第一個。呢首《You and Me》嘅官方MV出咗幾日,除咗用8 Bit音樂做開頭外,仲整咗啲遊戲畫面,勁有任天堂紅白feel,而入面個主角就係Joanna自己,仲係一個浪漫嘅愛情故事添(好似係……

Read more ›
史力加真人婚禮   重口味不計外貌
by / on 27/02/2013 at 10:29 am

史力加真人婚禮 重口味不計外貌

外國人真係寧舍百無禁忌,如果你結婚,最多都係扮吓公主王子,但係外國人呢?佢哋原來鍾意扮史力加同埋公主費安娜。好似呢對英國新人,最近就以呢個破格造型舉行婚禮,因為佢哋覺得史力加入面嘅愛情不計外貌條件,非常真摰感人。(同佢哋一樣?)但係呢個造型,要將塊面油到青bb。夜晚洗面實有排搞。唔止呢兩位,原來之前英國都有對新人以史力加造型搞婚禮,原因係個新郎好似史力加(!),但就難為咗個新娘子‥‥‥入嚟有回帶睇。

Read more ›
奧斯卡最佳影片 《Argo救參任務》週四出碟
by / on 26/02/2013 at 11:02 am

奧斯卡最佳影片 《Argo救參任務》週四出碟

  奧斯卡係好睇, 但有實戲睇會仲開心啲囉! 啱啱喺85屆奧斯卡金像獎攞咗「最佳影片」、「最佳改編劇本」及「最佳剪輯」嘅《Argo救參任務》, 會喺今個星期四28號出碟, 詳細價錢未知, 但得利就馬上出新聞稿話即派貨, 無計啦! 買着套奧斯卡猛片, 仲要咁啱呢頭攞獎、嗰頭Plan咗同一個星期出, 想買嘅留意。

Read more ›
日本投選宮崎駿動畫 《龍貓》最受歡迎
by / on 25/02/2013 at 5:50 pm

日本投選宮崎駿動畫 《龍貓》最受歡迎

宮崎駿、吉卜力工作室,無論係咪動漫迷都識,經典動畫可以話陪住我哋成長,不過人越大就反而覺得佢啲舊作越有深度,新作反而……日本Shunkan News就搞咗個票選,有136,295人投票,選出最受歡迎吉卜力動畫,少女見到會尖叫、香港金魚街都興過一排嘅《龍貓》排第一,《天空之城》屈居第二……我最鍾意嘅《夢幻街少女》同《再見熒火蟲》竟然唔入頭9名?你哋又最鍾意最難忘佢邊套作品?

Read more ›

《Iron Man 3》新海報 悲慘英雄得番個頭
by / on 25/02/2013 at 5:27 pm

《Iron Man 3》新海報 悲慘英雄得番個頭

都話做英雄慘啦,好似Tony咁有錢,舒舒服服嘆吓女玩吓跑車咪算囉,做Iron Man,成日都損手爛腳又俾人針對報仇……嚟緊4月香港上映嘅《Iron Man 3》又有新海報,繼上次張霸氣Mandarin之後,今次就係女主角Gwyneth Paltrow苦口苦面抱住Iron Man個頭,點解我覺得好溫馨?

Read more ›
《哈比人》盤景植物 網上自製DIY
by / on 25/02/2013 at 11:44 am

《哈比人》盤景植物 網上自製DIY

生活喺石屎森林嘅我哋,特別嚮往大自然。如果我可以35歲退休,我會想好似《哈比人》咁,住喺間細細哋但好多嘢食嘅屋,得閒放吓煙花寫吓《魔戒》。現實係今日係星期一,死期先啱啱開始,不過望吓呢間自製嘅哈比人屋,心情都舒暢啲。最特別係佢同時係一個盤景,所有植物都係真實嘅,無得買,但網上有教你點樣自製,今個星期六日,放低手掣過個綠色周末啦。

Read more ›
蜘蛛俠3D畫續作   3D飛毯現身意大利
by / on 25/02/2013 at 11:03 am

蜘蛛俠3D畫續作 3D飛毯現身意大利

我認我有特殊癖好,對於大型嘅3D圖畫我特別有興趣,好似之前整過蜘蛛俠3D畫嘅藝術家Kurt Wenner,最近整咗呢幅「The Flying Carpet」放喺意大利小鎮Bettona,睇到我擘大個口得個窿。點解個人可以坐喺張咁真實嘅毯上面呢?好神奇,我都好想親身試吓,可惜我有畏高。入嚟有Kurt Wenner作品回帶,我會稱佢為3D魔術師。

Read more ›
新片速報《機動戦士ガンダムUC》Episode 6 TVCM 封面特典公開
by / on 25/02/2013 at 9:21 am

新片速報《機動戦士ガンダムUC》Episode 6 TVCM 封面特典公開

日本3月2日就上映,嚟到第6集「宇宙と地球と」,仲有一集就結局,真係好想快啲睇到!繼之前兩條Trailer(入嚟有得回帶)之後,今日又有最新TVCM,十幾秒唔係好長,但睇完之後搞到個心好痕!好痕呀!  

Read more ›
新片速報:《葉問──終極一戰》最新預告片曝光
by / on 25/02/2013 at 9:20 am

新片速報:《葉問──終極一戰》最新預告片曝光

「葉問」呢個角色真係拍到爛無可爛,宇宙最強嘅甄子丹扮過、有功架無星味嘅杜宇航扮過、靚仔梁朝偉都扮過,估唔到家陣連黃秋生都嚟分一杯羹。

Read more ›

24/02新碟報價:新鐵金剛超多版本 下週出SILENT HILL
by / on 24/02/2013 at 12:13 pm

24/02新碟報價:新鐵金剛超多版本 下週出SILENT HILL

  今個星期唔睇金剛, 都真係冇乜0野睇, 老實! 故事畫面表達, 都遠較量子殺機同智破皇家賭場好好多, 今集我先真係感覺到佢係老占0羅! 買時留意有多個版本, 鐵盒BD/$259、平裝BD/$199、DVD$139, 感覺鐵盒真係有Mood0的,俾多幾十點都要, 另外佢仲有個丹尼爾基克三碟藍光套裝, 有齊佢所演三集, $529! 未入手0既值得留意。

Read more ›
香蕉雕人樣  扣針製作雕完即食
by / on 24/02/2013 at 12:09 pm

香蕉雕人樣 扣針製作雕完即食

今日係渣打馬拉松大日子,跑手努力跑完,可以食返條大會提供嘅香蕉補充體力,認真窩心。如果條蕉有埋特別雕刻,跑手應該會更醒神。好似呢幾條作品咁,由設計師Honey製作,工具只需一條蕉、一個扣針,大概2小時就可以雕成《閃靈》積尼高遜招牌邪惡笑容樣,Honey話每次整完佢就會影張相留念,之後食咗條蕉慶祝,夠晒真性情。

Read more ›
新片速報《World War Z》港版預告 6/20畢比特打喪屍
by / on 24/02/2013 at 8:10 am

新片速報《World War Z》港版預告 6/20畢比特打喪屍

事先聲明,呢條片除咗加咗中文字幕之外,基本上同之前公開嗰條係冇分別嘅,但重點唔係呢度,係香港講咗會喺6月20日同步上映(美國6月21日),而譯名叫《末日地球戰》,個名普通得嚟冇意思,好冇誠意,我情願佢叫打鬼戰士……套戲係改編自美國作家Max Brooks嘅第二本喪屍著作,第一本就係嗰本《打鬼戰士:世界末日求生指南》,我上年12月21日咪晒成本,但係無用武之地,希望Brad Pitt有睇晒。  

Read more ›
J League開咧玩龍珠 新潟天鵝 X 《Dragon Ball Z 神與神》 悟空到場打氣!?
by / on 23/02/2013 at 3:53 pm

J League開咧玩龍珠 新潟天鵝 X 《Dragon Ball Z 神與神》 悟空到場打氣!?

咩都乘得一餐,我就係鍾意日本呢個風氣,即係你鍾意一套動漫,其實真係唔駛慌冇嘢好買。3月30日喺日本上映嘅《Dragon Ball Z 神與神》,係相隔17年再嚟嘅最新龍珠劇場版,咁耐冇見悟空梗係大件事,除咗之前報導過同KFC合作外,仲有同J1球隊「新潟天鵝」合作,球隊就整咗張扮龍珠嘅海報,3月30日對蒲和紅鑽,除咗球隊會用「CHA-LA HEAD-CHA-LA」嚟做主題曲外,仲話悟空會到場打氣添!睇完戲睇波,真係爽!可惜,我喺香港,仲買唔到飛睇曼聯對傑志……

Read more ›

本週人氣

5914 views

本名再現!25歲三上悠亜出圖回憶成人式

4947 views

今個月有得扭 扭蛋球狀變高達頭

4922 views

有片:DJ Soda峇里曬身材 食薯片好Sexy

4483 views

日本巨型鯊魚睡袋 網民出圖回應Twitter熱傳

3875 views

【新片速報】日本網民打保齡 超無奈意外Twitter熱傳