影音新聞

新片速報 西人扮Snake/復仇者通街搞人
by / on 17/11/2012 at 10:13 am

新片速報 西人扮Snake/復仇者通街搞人

呢個「in Real Life」系列,已經拍過好多條片,主要都係扮動漫同遊戲角色喺真實世界搞事。呢條新剪輯嘅片段就係Snake喺日常生活中潛入唔同地方……最後笠紙箱都冇用,俾警察拉咗。老實講,有啲無聊,反而另外兩條《刺客教條》同《復仇者聯盟》仲好笑,留意美國隊長,用雨傘嚟扮盾牌……

Read more ›

新片速報 宇多田光《Evangelion新劇場版:Q》主題曲MV
by / on 17/11/2012 at 9:45 am

新片速報 宇多田光《Evangelion新劇場版:Q》主題曲MV

唔好意思,又係《Evangelion新劇場版:Q》,俾我講埋呢段啦!日本今日上映,宇多田光再次主唱新主題曲,歌名叫〈桜流し〉。呢段MV冇動畫冇綾波冇明日香冇宇多田光,歌詞講母愛,所以臨尾有一段影住個BB,剪臍帶……至於首歌,我個人都係鍾意〈Beautiful World〉多啲,不過,睇番套動畫可能會改觀……

Read more ›
新片突發! 《Evangelion新劇場版:Q》6分鐘影片曝光!
by / on 16/11/2012 at 11:22 pm

新片突發! 《Evangelion新劇場版:Q》6分鐘影片曝光!

聽日日本上映,冇得睇真係好辛苦,信我,睇完呢段最新影片,你會出現流鼻水打喊露等症狀……6分鐘可以話9成時間都精彩,明日香駕駛2號機喺太空玩空戰!嗚!我唔掂喇!摷番套破頂住先!

Read more ›
《Evangelion展 X 札幌》 痛「的」通街行
by / on 16/11/2012 at 8:54 pm

《Evangelion展 X 札幌》 痛「的」通街行

其實,呢排去開日本,基本上邊個地區都會見到《Evangelion新劇場片:Q》,包括北海道嘅札幌。因為有上映日開始至下年2月,札幌會搞個《Evangelion展 X 札幌》活動,除咗有展覽睇有嘢買,仲有別注版食品,喺會場用手機裝個app仲可以用AR功能同主角合照!有咩好嘢入嚟網站再睇,因為我最想講係痛「的」—痛的士呀!如果你幾個月去北海道旅行,記得留意吓喺街見唔到到綾波「的」、真希波「的」同明日香「的」,俾我見到,仲唔上?

Read more ›
新片速報 麥當娜現場騎PSY 〈Gangnam Style〉 x 〈Give It To Me〉
by / on 15/11/2012 at 7:06 am

新片速報 麥當娜現場騎PSY 〈Gangnam Style〉 x 〈Give It To Me〉

本來,我真係覺得PSY隻《Gangnam Style》已經寫到爛,又本來,我睇完亞視班粉皮之後,我又真係想殺人!但係,呢個實在係太勁,麥當娜喎!娜姐喎!喺美國時間11月13日,佢嘅巡迴演唱會紐約站度,同PSY合唱,齊齊跳騎馬舞!開頭響起〈Gangnam Style〉音樂,佢都係jam吓首〈Give It To Me〉,點知唱唱吓,PSY真人現身,同佢齊齊跳,麥當娜趴地喺PSY誇下玩完之後,仲按底PSY俾佢騎,最後拑埋上PSY度,女王即係女王!呢!好細粒橙色嘅就係PSY,隔籬嗰粒就係麥當娜喇。

Read more ›
香港12月上映《一代宗師》新港版海報曝光
by / on 14/11/2012 at 5:37 pm

香港12月上映《一代宗師》新港版海報曝光

等咗8年,朝偉版葉問下個月終於有得睇!係咪真功夫係咪大師傅唔緊要,睇戲嘛!最緊要型!王家衛呢套《一代宗師》繼之前嘅最新預告片(入嚟有得睇)後,又有張型爆新海報,型過朝偉大頭多多聲!

Read more ›

坐初號電車過山車 EVA:Q × FUJI:Q計画再始動!
by / on 14/11/2012 at 4:03 pm

坐初號電車過山車 EVA:Q × FUJI:Q計画再始動!

今個星期六,我會勤啲上網,睇吓有冇人講劇情,係,我以前都好憎人劇透,但今次唔同,《Evangelion新劇場版:Q》喎!我決定犧牲。好喇,個個都乘EVA,一向有乘開嘅富士急亦加碼,將富士急線電車變身成為初號機,再加多個主題過山車!而之前嘅綾波麗主題酒店房、餐廳食品就繼續喺度,入嚟溫故知新啦。

Read more ›
周六日本上映《Evangelion新劇場版:Q》影院產品曝光
by / on 14/11/2012 at 12:01 pm

周六日本上映《Evangelion新劇場版:Q》影院產品曝光

話咁快,今個星期六就係11月17日,對日本EVA迷嚟講係大日子,對香港EVA迷嚟講,係超葡萄嘅日子。如果,你睇埋呢個產品列表,個心會更唔舒服……去日本睇過戲嘅都知,戲院度都會有產品專櫃,可以買到場刊、精品、CD等好嘢,而EVA嘅戲院販賣列表,除咗有爆谷汽水連初號機飲管套餐外,產品更加係超級豐富,就咁快睇一次,都起碼十樣八樣有興趣……好彩!我有朋友呢期去開日本,嘩哈哈哈哈!羡慕我吧!

Read more ›
香港11月30日上映 《009 RE:CYBORG》經典再造
by / on 13/11/2012 at 4:15 pm

香港11月30日上映 《009 RE:CYBORG》經典再造

呢套快呀!原作石ノ森章太郎、腳本及監督神山健治,全新製作人造人009動畫劇場版《009 RE:CYBORG》,將會喺10月27日喺日本上映,香港11月30日就上喇!由泛亞發行,喺嘉禾荃新天地、旺角有得睇。再造人001至009個個潮晒型晒,仲同大量單位合作搞Crossover,呢度有日本版預告片,頂住先!

Read more ›
第三集預告!?Iron Man變喪屍!
by / on 13/11/2012 at 9:00 am

第三集預告!?Iron Man變喪屍!

Sorry,特登Fake你睇嘅,唔好嬲啦,唔起番個驚天地嘅題,又點襯得起呢位喪屍Iron Man?呢幾幅喪甲奇俠相,係由一位專影超級英雄Coser相片嘅英國攝影師Adam Jay所拍,裏頭嗰位係叫Kyosti Kallio嘅Coser。放心,Tony Stark冇事,亦都唔關第三集事,不過,如果《Iron Man》真係crossover《The Walking Dead》都應該幾好睇!

Read more ›
新片速報 《小桃の奇幻手紙》香港12/6上映預告
by / on 12/11/2012 at 4:14 pm

新片速報 《小桃の奇幻手紙》香港12/6上映預告

呢排真係好熱鬧,好多日本真人電影同動畫上,係冇最hit嗰套《Evangelion新劇場版:Q》份啫!吹脹之餘,睇吓其他好嘢啦。《小桃の奇幻手紙(A Letter to MoMo)》,由《千與千尋》作畫監督安藤雅司領軍,加上憑《人狼》成名的狎井守大弟子沖浦啟之執導,故事同預告唔該入嚟睇。呢套動畫日本4月就上咗,香港就之前國際電影節都上過,開賣15分鐘就爆咗,睇唔到嘅o依家o氹番你。另外提提你,今個星期四《K-ON! 輕音少女》會公開上映,啱啱之前動畫賞上過,佢張海報寫住:「香港日本動畫賞開幕電影,門票尚未公開發售經已全場爆滿。」嘩!咁係鬼故嚟喎!

Read more ›

新片速報 火腩畢彼特殺喪屍 《World War Z》首段預告
by / on 12/11/2012 at 8:33 am

新片速報 火腩畢彼特殺喪屍 《World War Z》首段預告

終於唔駛再睇Brad Pitt食豆腐火腩飯嘞!之前電影公司Paramount買斷咗美國喪屍作家Max Brooks嘅著作版權,傳聞會出遊戲,但一直無新消息,不過由Brad Pitt主演,下年6月21日上映嘅喪屍電影《World War Z》就搶閘發放咗第一條trailer,片段睇倒喪屍殺到,Brad Pitt帶住屋企人逃生嘅驚險過程,雖然無喪屍close up,但見到一大堆喪屍堆成嘅屍山一樣好震憾。「World War Z」改編自美國作家Max Brooks嘅第二本喪屍著作,呢位仁兄之前出過本《打鬼戰士:世界末日求生指南》教人點樣打喪屍,香港書局都有得賣,堪稱末日喪屍專家。老實,呢套戲真係喪屍迷必睇,如果末日無喪屍嘅話。

Read more ›
新片速報《浪客劍心》11/29香港上映 港版預告登場
by / on 12/11/2012 at 7:00 am

新片速報《浪客劍心》11/29香港上映 港版預告登場

日本8月已經上映,DVD同藍光12月26日推出,台灣一早講咗話12月會上!好彩,香港都有份,趕得切出碟前上戲院!啱啱香港版就宣佈會喺11月29日上映,叫番做《浪客劍心》,點都有親切感啲!之前都有介紹過,今次真人版由佐藤健做拔刀齋緋村劍心,女主角神谷薰就係武井咲,斬馬刀相樂左之助就係青木崇高,最型最神似就係由江口洋介做嘅齊藤一!

Read more ›
下年3月上映《龍珠Z 神與神 Battle of Gods》海報曝光打兔仔
by / on 11/11/2012 at 9:13 pm

下年3月上映《龍珠Z 神與神 Battle of Gods》海報曝光打兔仔

之前8月報導過,前作已經係17年前嘅《龍珠Z》宣佈新劇場版將於明年3月30日上映!而啱啱就有官方海報曝光!故事背景係同魔人布歐大戰後嘅時期,海報中見到紫色皮膚嘅兔仔人,到底今集嘅敵人係咩?悟空係咪已經變咗做神?而海報背景中嘅又係……入面有回帶預宣片,睇多次期待多啲!

Read more ›
冰河世紀4 送Ice Age Village手機遊戲幣
by / on 11/11/2012 at 1:00 pm

冰河世紀4 送Ice Age Village手機遊戲幣

  《冰河世紀4:玩轉新大陸》3D+2D Blu-ray 及DVD今個星期終於出咗,之前都講過佢出咗幾個不同版本有BOXSET,如果想知點揀,可以睇返我哋舊報導;以為佢玩嚟玩去嗰幾味,點知實上手,佢仲同埋Gameloft玩手機遊戲Crossover!

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10807 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10498 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9367 Views