影音新聞

【新片速報】日本超人氣「擊掌喵」新片 大叫瞇眼可愛到癲
by / on 03/01/2019 at 7:51 am

【新片速報】日本超人氣「擊掌喵」新片 大叫瞇眼可愛到癲

仲記唔記得呢隻日本嘅擊掌貓?嚟到2019年,主人都放咗段新片治癒吓各位貓奴。段片見到隻喵識high five,擊掌前仲大大聲叫咗出嚟,好可愛,之後仲瞇眼賣萌,可愛程度仲勁過上次,入嚟有片睇,仲有得回帶同埋睇佢嘅生活照。

Read more ›

有片:《新喜劇之王》首條預告片 周星馳向自己致敬之作?
by / on 03/01/2019 at 7:32 am

有片:《新喜劇之王》首條預告片 周星馳向自己致敬之作?

周星馳《新喜劇之王》釋出預告片,片頭有周星馳本尊對住鏡頭大大聲話:「Cut!精神啲,臨時演員都係演員嚟嘅!」擺明係想勾起大家回憶。再睇埋落去,同樣有個講唔出名嘅女演員扮柏芝食煙回眸,同樣有田雞靠俾人踩腳演繹何謂「痛」嘅表情,同樣有疑似Sunny哥同霞姨嘅角色穿插,亦同樣有攤低求其化妝扮死屍一幕。用另一班演員拍舊戲?咁「新」喺邊呢?我覺得似致敬作多啲,但如果話周星馳拍番自己嘅戲向自己嘅戲致敬,又好似唔多講得通。查實,與其叫《新喜劇之王》,不如叫《喜劇之王2019》好過喇,片末寫住「大年初一,笑出眼淚」,嗯……希望笑得出喇,不過又咁講,始終係周星馳作品,如無意外我都會入戲院睇嘅。

Read more ›
【有片】貓欺凌事件Twitter熱傳     犯案人零悔意
by / on 03/01/2019 at 7:20 am

【有片】貓欺凌事件Twitter熱傳 犯案人零悔意

係欺凌呀!日本有網民分享咗段喵片,喺Twitter好快已經超過1百萬瀏覽。段片一開始見到隻貓仔個樣好慘俾人質咗個頭喺地,之後鏡頭移上啲就見到個兇手嘞!不過犯案人完全無歉意,而且仲想再犯案,入嚟有片睇。

Read more ›
賀年出圖 「碇真嗣」緒方恵美:「EVA,再起動!」
by / on 02/01/2019 at 9:59 pm

賀年出圖 「碇真嗣」緒方恵美:「EVA,再起動!」

之前曾經請大家唔好再問佢開始為新一集,即Evangelion新劇場版完結篇《シン・エヴァンゲリオン劇場版:||》開工未嘅「碇真嗣」聲優緒方恵美,話有情報可以解禁嘅時候,大家自然會知。睇嚟,咁會越嚟越多情報喇,因為佢喺Twitter出咗張「謹賀新年」相,相中佢就同庵野秀明食緊飯,佢手中仲拎住隻「碇真嗣」公仔,仲寫埋:「エヴァ、再起動!」2020年公開,似乎真係可以期待。

Read more ›
日本網民翻新《多啦A夢》公仔    2019新年新面貌
by / on 02/01/2019 at 7:32 am

日本網民翻新《多啦A夢》公仔 2019新年新面貌

新年係去舊迎新嘅時候,不過有啲嘢用嚟咗有感情,唔係隨便可以放棄。日本網民呢隻多啦A夢公仔已經又殘又爛,趁新年佢幫隻公仔沖涼再重新縫好所有破爛嘅位置,完成品新嘅一樣,多啦A夢開心到笑晒。有網民仲話自己有隻用咗20年嘅比卡超想俾樓主幫佢翻新,不過樓主就婉轉拒絕咗嘞。趁新年大家都諗吓有無心愛物品可以翻新再用啦。

Read more ›
【新片速報】台灣101新年放煙花 日本網民:「好似大爆炸」
by / on 02/01/2019 at 7:01 am

【新片速報】台灣101新年放煙花 日本網民:「好似大爆炸」

每年新年台灣101都會放煙花,今年都唔例外,不過可能天氣唔係幾好能見度低,加上個煙花真係勁,有日本網民放咗段煙花片上Twitter,話啲煙花勁到好似楝大廈爆炸咁,網民睇完都好有同感,仲出晒動畫圖回應,又龍珠又高達,超正,入嚟有回帶。

Read more ›

【有片】超強陣真人版《One Piece》 窪塚洋介/池内博之/泉里香參演
by / on 01/01/2019 at 10:32 pm

【有片】超強陣真人版《One Piece》 窪塚洋介/池内博之/泉里香參演

唔係電影,只係Indeed嘅新CM,不過呢個陣容嘅《One Piece》真人版,似乎都唔錯喎,尤其係泉里香……其他仲有窪塚洋介、池内博之、斎藤工、「千鳥」大悟。

Read more ›
【圖集】日本賀年新圖合集 超熱鬧豬仔出動
by / on 01/01/2019 at 12:42 pm

【圖集】日本賀年新圖合集 超熱鬧豬仔出動

日本人超重視新年,仲要放足一個星期,梗係要出賀圖開心吓。嚟到2019年,Twitter都有大量賀圖,大量熟悉嘅動漫畫插畫喺Twitter熱傳,除咗動漫角色之外,仲有好多豬仔出動,入嚟有得慢慢睇。

Read more ›
【新片速報】日本撳鐘喵新片 新年裝束食零食賀年
by / on 01/01/2019 at 11:35 am

【新片速報】日本撳鐘喵新片 新年裝束食零食賀年

新年快樂!又係呢兩隻識撳鐘仔攞零食嘅日本喵,嚟到2019新年,主人都幫佢哋換咗新裝束,頭頂頂住個蜜柑超可愛,左邊隻虎紋貓仲好貪心,撳完自己嗰個再撳埋旁邊個鐘,超可愛!入嚟有片睇。

Read more ›
【有片】柴仔學跳石跌低 超可愛影片Twitter熱傳
by / on 31/12/2018 at 7:52 am

【有片】柴仔學跳石跌低 超可愛影片Twitter熱傳

第一次學跳,係要跟前輩學吓嘢嘅。最近喺Twitter見到呢段片,兩隻柴犬企咗喺塊大石上面,黑柴一馬當先跳落去示範,後面隻肥柴仔猶豫咗一陣,決定跟住跳,點知‥‥‥張cap圖真係超得意呀!入嚟有片睇,百看不厭。

Read more ›
【有片】超厲害柴犬識畫畫      作品網上商店有得買 
by / on 31/12/2018 at 7:17 am

【有片】超厲害柴犬識畫畫      作品網上商店有得買 

好厲害!呢隻5歲嘅柴仔仲係一名藝術家,個名好有型,叫Hunter。住喺加拿大嘅佢,俾主人訓練到識畫畫,而家有自己嘅IG,仲有間網上畫店喺Etsy,每張畫大概賣港幣300左右,都唔平架。睇片見到呢隻「藝術柴」每畫一筆,主人都會獎佢食一嚿零食,難怪佢咁勤力不停畫,不過主人就話唔會強迫佢,而且限定每日只會畫一陣,當Hunter唔想畫就會由佢放棄,入嚟有片可以睇吓Hunter嘅畫功,好叻仔!

Read more ›

【新片速報】日本喵星人疑有「密集恐懼症」     古怪玩具片Twitter熱傳
by / on 31/12/2018 at 7:00 am

【新片速報】日本喵星人疑有「密集恐懼症」     古怪玩具片Twitter熱傳

唔好話貓見到驚,人見到都驚呀!最近有日本網民分享咗段片,佢手上揸住一個玩具,話係爸爸去完忘年會之後拎返嚟嘅,佢用嚟同隻貓玩,隻貓一開始都好開心,點知一撳個玩具就有啲嘢咇出嚟,第一次隻貓就嚇一跳,再撳直情驚到走埋。網民話隻喵可能有密集恐懼症,不過呢份紀念品真係太古怪。

Read more ›
【新片速報】日本100円好物推介 超可愛海豹水喉配件
by / on 30/12/2018 at 2:34 pm

【新片速報】日本100円好物推介 超可愛海豹水喉配件

日本嘅100円店經常發掘到正嘢,最近有網民推介呢件喺100円店Daiso買嘅好物,裝喺水喉度,每次一開水,隻海豹仔雙手就會不停搖呀搖,可愛到癲!不過如果屋企有細路仔,應該會引到佢長期玩水‥‥‥

Read more ›
【有片】動畫《炎炎ノ消防隊》首段PV 消防員打炎之怪物
by / on 28/12/2018 at 6:53 pm

【有片】動畫《炎炎ノ消防隊》首段PV 消防員打炎之怪物

2015年開始喺《週刊少年マガジン》連載嘅《炎炎ノ消防隊》,嚟緊會TV動畫化啦,第一條PV都有得睇喇,製作《ジョジョの奇妙な冒険》、《はたらく細胞》嘅david production參與製作,睇落動作場面好正喎!話時話,多唔多人有睇呢套大久保篤原作嘅漫畫?故事講出現人體自燃現象同炎之怪物,而人類都成立咗特殊消防隊……

Read more ›
【有片】巴黎「迪士尼樂園」廣告超高質 可愛鴨仔尋找唐老鴨
by / on 28/12/2018 at 7:59 am

【有片】巴黎「迪士尼樂園」廣告超高質 可愛鴨仔尋找唐老鴨

巴黎迪士尼樂園呢段廣告片真係超高質,難怪喺Twitter好多人RT。主角係一隻好可愛嘅小鴨仔,佢喺漫畫度見過唐老鴨之後就念念不忘,當中加咗好多CG效果,隻鴨仔仲超得意,臨尾見到唐老鴨大團圓結局,睇完我都有啲鍾意咗唐老鴨呀!

Read more ›

本週人氣

8394 views

日本怕凍貓坐太近暖爐 貓鬚鬈晒好可憐

7859 views

本名再現!25歲三上悠亜出圖回憶成人式

7421 views

睇咗未?36歲深田恭子新日劇開播 網民截圖話好可愛

6194 views

【有片】全100期《Gundam MS Bible》 每期一機體超詳盡介紹

5621 views

今個月有得扭 扭蛋球狀變高達頭