影音新聞

日本超可愛狗狗     龍蝦鉗夾至面容扭曲繼續走
by / on 12/09/2018 at 7:48 am

日本超可愛狗狗 龍蝦鉗夾至面容扭曲繼續走

日本嘅玩具好得意,小朋友同狗狗都鍾意。好似呢隻龍蝦毛公仔,呢隻狗狗就好鍾意玩,仲成日擔住佢周圍走,不過可能隻龍蝦鉗太大,搞到佢面容扭曲埋,但佢都緊持要咬住佢,好可愛!張相喺Twitter好高人氣,入嚟有多啲呢隻狗狗嘅相同片睇,原來佢有好多玩具嘅,超幸福呀!

Read more ›

【有片】日本網民自製「蘿蔔逃走」影片 越走越短超搞笑
by / on 12/09/2018 at 7:38 am

【有片】日本網民自製「蘿蔔逃走」影片 越走越短超搞笑

暑假係要留嚟做無聊嘢,好似日本呢位網民而家做緊設計嘅工作,之前佢喺大學暑假時就拍咗段「蘿蔔逃走」嘅影片,最近放上Twitter好多人RT。睇片見到條蘿蔔一邊走一邊磨成茸,越行越短,好多網民都讚佢段片有創意,有人仲話感覺到人生都係咁樣樣。而樓主喺7年前都拍過另一段片,概念一樣,不過主角就變咗紅蘿蔔,似乎佢好鍾意呢個系列,無聊得嚟又幾正,入嚟有回帶。

Read more ›
【新片速報】日本貓奴「不在家練習的理由」  練打鼓好難專心
by / on 12/09/2018 at 7:31 am

【新片速報】日本貓奴「不在家練習的理由」 練打鼓好難專心

養貓嘅朋友會發現喺屋企好多嘢都做唔到,例如溫書啦,佢哋會瞓喺你啲書上面;又例如練習打鼓啦,呢位日本網民喺屋企練習緊嘅時候,兩隻貓好明顯誤會咗以為同佢玩緊,又出手又拍打,難怪樓主都話呢個就係「佢唔喺屋企練習嘅理由」,不過我感覺到樓主其實暗爽,心裡面好想同班喵玩嘅。之後有網民分享佢嘅相同經歷,好搞笑,入嚟有片睇。

Read more ›
日本《幼稚園》雜誌送拉打扭蛋機 成人網民超想要
by / on 11/09/2018 at 7:53 am

日本《幼稚園》雜誌送拉打扭蛋機 成人網民超想要

日本啲雜誌附送嘅禮物一向好驚人,今次呢本《幼稚園》嘅10月號仲誇張,居然送咗部扭蛋機!主題仲要係拉打《仮面ライダージオウ》!成部機用咭紙砌成,入面跟埋扭蛋,係8隻紙咭製嘅拉打手錶,可以用嚟玩board game,價錢絕對高過書價940円。唔止小朋友想要,好多大人都留言話超想買!

Read more ›
日本一Coser「えなこ」吸金力再創新高     Comiket一日賺1千萬円
by / on 11/09/2018 at 7:37 am

日本一Coser「えなこ」吸金力再創新高     Comiket一日賺1千萬円

日本人氣最強嘅cosplayer「えなこ」之前都介紹過,大家最有印象仲有佢嘅收入,前年Comiket佢透露兩日營業額超過1千萬円,估唔到相隔兩年,佢嘅吸金能力增加咗一倍!日本TBS最近訪問咗佢,佢話今年排隊買佢寫真集嘅fans有超過500人,係佢見過最多嘅一年,而被問到估計單靠賣產品一日賺到幾錢時,佢就話;「我估計大概1千萬円」,即係港幣70萬左右,一日咋喎,而且只係賣產品,仲未計佢cosplay參加Comiket其他活動嘅收入,好驚人。另外佢仲有自己嘅網店,入面有佢最受歡迎嘅寫真集賣,售價3千円左右,入嚟有網站連結,仲有佢最近嘅cosplay造型回帶。

Read more ›
【有片】日本柴犬被整蠱 咬實變色球影片Twitter熱傳
by / on 11/09/2018 at 7:05 am

【有片】日本柴犬被整蠱 咬實變色球影片Twitter熱傳

呢個識發光識變色嘅膠波係日本好受歡迎,有主人仲拍咗段片,搵咗佢隻柴犬嚟做示範。咬住個波嘅佢點諗到自己已經被出賣,俾主人放咗上網?不過效果真係好好笑!入嚟有片睇,各位狗奴應該好想買返個。

Read more ›

【有片】日本超賤《蠟筆小新》屁股加濕器 12月推出好想買
by / on 11/09/2018 at 7:01 am

【有片】日本超賤《蠟筆小新》屁股加濕器 12月推出好想買

夏天成日開冷氣,點都要有個加濕器中和吓。噚日介紹過「地獄三頭犬」,可惜已經售罄,今日發現到呢件好物,用「蠟筆小新」個屁股嚟噴濕嘅「嵐を呼ぶケツだけ星人加湿器」,效果超爆笑,好附合小新嘅性格!如果再加埋特別味道嘅香薰油‥‥‥售價6980円,預計12月頭推出,啱晒用嚟做聖誕禮物。

Read more ›
【有片】聲優小倉唯 中國服〈ドキドキラビリンス〉跳舞影像公開
by / on 09/09/2018 at 5:15 pm

【有片】聲優小倉唯 中國服〈ドキドキラビリンス〉跳舞影像公開

小倉唯會喺9月12日推出LIVE Blu-ray&DVD「Cherry×Airline」,啱啱官方頻道就發佈咗一條「〈ドキドキラビリンス〉(LIVE TOUR「Platinum Airline☆」~Tomorrow Town~ ver.)」影像,係今年5月喺東京舉行嘅LIVE TOUR時拍嘅,中國服好可愛呀!

Read more ›
日本網民試《Spider-man》影相模式     超靚鳥瞰黃昏相集
by / on 09/09/2018 at 3:41 pm

日本網民試《Spider-man》影相模式 超靚鳥瞰黃昏相集

有無玩緊PS4隻《Marvel’s Spider-man》?入面有超多支線任務,加上仲有影相模式,好容易會令人流連忘返唔想做主線任務。日本呢位玩具攝影師hot.kenobi啱啱就分享咗佢用影相模式影嘅作品,黃昏嘅紐約景,配埋高空鳥瞰嘅角度,超正!佢平時影嘅玩具寫真都好高質,入嚟有佢IG,可以follow埋。

Read more ›
【撞衫】時裝Gucci黃西裝   同《蠟筆小新》「組長先生」一樣
by / on 09/09/2018 at 3:39 pm

【撞衫】時裝Gucci黃西裝   同《蠟筆小新》「組長先生」一樣

潮流嘅嘢,其實都可以好入屋嘅,最近有日本網民分享咗兩張圖,原來Gucci嘅黃色格仔西裝,同《蠟筆小新》漫畫入面嘅「組長先生」竟然一樣!仲要大家都攝衫,好明顯Gucci係抄襲呀!

Read more ›
日本網民新居Wally主題廁所 邊如廁邊搵Wally
by / on 09/09/2018 at 3:38 pm

日本網民新居Wally主題廁所 邊如廁邊搵Wally

英國插畫家嘅《Where’s Wally》全球都有好多fans吖,日本呢位網民嘅家姐都係其中一個,佢仲將新居個廁所用Wally做主題,除咗有紅白間條之外,牆紙仲係人山人海入面搵Wally嘅經典圖片,一邊去廁所一邊搵Wally,似乎係唔錯嘅娛樂,好忙。樓主就話佢最終用咗20分鐘喺入面搵Wally,唔知有無影響如廁嘅速度呢。

Read more ›

【新片速報】日本曳貓超搞笑 匿埋梳化底突然彈出
by / on 09/09/2018 at 3:37 pm

【新片速報】日本曳貓超搞笑 匿埋梳化底突然彈出

喵星人好鍾意匿喺梳化底,最近有日本網分享咗段片,佢嘗試呼叫梳化底嘅喵出返嚟,估唔到隻貓反身跣住彈出,動作同個樣都超可愛!有網民仲話諗起汽車維修員,入嚟有片睇。

Read more ›
【新片速報】日本網民打開洗衣機 發現「星之卡比」涼緊沖
by / on 09/09/2018 at 3:35 pm

【新片速報】日本網民打開洗衣機 發現「星之卡比」涼緊沖

星期六日又係洗衫嘅時候嘞,日本呢位網民好幸福,有媽咪幫佢洗,仲連佢隻星之卡比嘅咕臣都洗埋,佢忍唔住打開個蓋,見到個位仲要啱啱好,卡比個頭轉呀轉好搞笑!洗完之後曬乾埋就乾淨晒嘞,不過點解好似淡色咗?

Read more ›
【新片速報】日本黑貓反傳統 唔吼「貓抓狂零食」
by / on 07/09/2018 at 7:53 am

【新片速報】日本黑貓反傳統 唔吼「貓抓狂零食」

大家好熟悉呢款貓零食啦,之前網上有大量影片,睇到啲貓見到佢有幾瘋狂,不停狂舔狂舔!不過呢個世界竟然有唔食魚嘅貓!有日本網民拍咗段片,呢隻住愛媛縣嘅黑貓「桃丸」,對於呢包嘢完全零興趣,望都唔望,眼神仲表達咗「拎埋包嘢行開啲啦!」嘅心情,網民仲自製咗段廣告片,好正,果然黑貓係特別有性格嘅。

Read more ›
【新片速報】日本遊戲高手高高手   表演「節拍遊戲」 超爆笑
by / on 07/09/2018 at 7:04 am

【新片速報】日本遊戲高手高高手 表演「節拍遊戲」 超爆笑

呢段片好正,有玩開音樂節拍game嘅應該好有共鳴。有高手拍片表演玩手機遊戲,loading嘅時候磨拳擦掌做晒運動,真係睇到都鄧佢緊張呀!終於開始嘞!咦!咁即係點?好好笑,入嚟有得睇。

Read more ›

本週人氣

8076 views

《銀魂》完結篇最後畫面 原來……

7514 views

Nintendo Switch Online遊戲列表 20隻經典周三有得玩

6391 views

新片速報 陳年街機合作幾打 《Capcom Belt Action Collection》網上連線

6019 views

日本「裝銀仔」神器 網民推介Twitter熱傳

5257 views

機迷出圖 如果出Marvel’s Iron Man遊戲