其他

新片速報 任天堂灰機/紅白機5個冷知識
by / on 06/11/2013 at 8:53 pm

新片速報 任天堂灰機/紅白機5個冷知識

今個月,世代交替,新世代主機推出,喺呢個歷史時刻,你記唔記得自己第一部家用機係咩?當年香港有紅白機賣,亦都有美版灰機賣……呢條片雖然用灰機做主角,但佢講嘅任天堂主機冷知識係日版紅白機都合用,例如部機係1983年喺日本推出,1985年喺美國出,仲有,原來最大容量嘅遊戲只係1MB,相等於60秒MP3檔案左右……而且,佢呢個Stop Motion拍法都幾好睇!

Read more ›

新片速報 《Thor:The Dark World》上映活動 Loki講到流眼淚
by / on 06/11/2013 at 3:22 pm

新片速報 《Thor:The Dark World》上映活動 Loki講到流眼淚

正所謂人唔傷心唔流眼淚,喺電影入面蠱蠱惑惑嘅Loki,現實中嘅Tom Hiddleston一樣風趣。話說喺上映活動中,阿Tom佢就俾「MTV」捉住訪問:「今次可能係你最後一次出席Marvel首映活動?」咁一早講咗話《復仇者聯盟2》冇佢份,第3集雷神又未話會拍,阿Tom佢就喊起上嚟喇……係扮喊,睇完第2集,真係對佢印象最深刻,型。

Read more ›
新片速報 《Dead Rising Last Stand》fan made真人喪屍片
by / on 06/11/2013 at 2:56 pm

新片速報 《Dead Rising Last Stand》fan made真人喪屍片

今朝睇完Xbox One隻《Dead Rising 3》遊戲片,真心想玩,但我又唔會第一水買Xbox One……好喇,仲有呢條fans製作嘅真人片,講真,製作好普通,劇情都冇乜,不過你知啦,喪屍嘛,幾分鐘啫,我都睇晒。

Read more ›
新片速報 Man At Arms打造《Thor雷神》鐵搥爆西瓜
by / on 05/11/2013 at 10:41 pm

新片速報 Man At Arms打造《Thor雷神》鐵搥爆西瓜

其實「Man At Arms」呢個頻道真係好正,將動漫畫、電影中嘅武器實體化,次次臨尾仲測試埋殺傷力!今次Tony Swatton就玩近排大熱嘅《Thor》,將佢個搥實體化,如果有得買,我都想買番個掛喺衣帽架。為咗令人人都拎得起,佢呢個搥係空心嘅,不過睇嚟都夠晒重夠晒硬淨,打汽水罐、石像之後,當然要爆西瓜爽一爽!可惜佢爭條皮帶,否則可以fing fing fing增加殺傷力。

Read more ›
新片速報 Loki上節目恰細路 宣傳《Thor: The Dark World》
by / on 05/11/2013 at 11:31 am

新片速報 Loki上節目恰細路 宣傳《Thor: The Dark World》

睇咗《Thor: The Dark World》未?如果睇咗,你都可能會覺得全套戲最有型係Loki!佢嗰種奸又唔奸得晒,把口又唔停寸人嘅性格真係好正!嚟緊佢就會同啲小朋友做一個節目宣傳電影,呢兩條宣傳片真係好笑,最好笑係Loki一個唔啱聽竟然出手推跌個細路女!不過嗱,Just Drama,現實中Tom Hiddleston佢喺萬聖節去咗一間戲院同班慈善團體嘅兒童睇戲呀,入嚟都有片睇。

Read more ›
【有片】人妻磨菇誘惑 日本廣告 越禁越人氣
by / on 04/11/2013 at 5:36 pm

【有片】人妻磨菇誘惑 日本廣告 越禁越人氣

呢個廣告,喺日本已經停播,但越冇得睇,就越多人上YouTube睇,放咗上去個幾星期,已經有接近280萬個Views。呢個系列廣告由鈴木砂羽(41)同要潤(32)主演,賣嘅係蘑菇!係!蘑菇,而戴晒蘑菇上身嘅要潤就成日突然出現喺人妻背後,用蘑菇去俘虜人妻嘅內心……嗚!其實我覺得日本咁開放,應該冇乜問題吖。

Read more ›

新片速報 真人《ZombiU》好睇過原裝
by / on 04/11/2013 at 4:46 pm

新片速報 真人《ZombiU》好睇過原裝

買咗Wii U之後,我滿心歡喜開隻《ZombiU》嚟玩,不過有玩嘅都知,玩唔得好耐,你都係換番隻Mario算喇。呢隻遊戲嘅世界觀其實都係啲喪屍襲世界嘅求生遊戲,有外國網友就拍咗條真人版,最正係佢拎住Wii U嘅Gamepad嚟玩,而部機後面就裝咗射燈,係,《ZombiU》咪就係咁玩囉!BTW,佢呢個任務,其實都幾急切同艱辛……  

Read more ›
新片速報 入場前回顧 8 Bit版《Thor》跟足劇情打
by / on 04/11/2013 at 12:15 pm

新片速報 入場前回顧 8 Bit版《Thor》跟足劇情打

好正!又係「Cinefix」出品,佢早排都出過好多電影嘅8 Bit遊戲片,《Iron Man》都夠好睇啦!今次就食正雷神條水,佢上第2集,佢就整咗條第1集嘅片!話時話,入場睇之前或睇完之後,好多時都想回味番第1集劇情,但你知啦,香港都市人生活忙碌嘛,睇隻碟分分鐘唔見幾百萬,所以,可以睇呢條分幾鐘影片快速回帶。最後我想講嘅係,黐線o架我勁想玩呢隻橫向動作遊戲呀!

Read more ›
【有片】上海地鐵激戰 拳拳到肉力的表現
by / on 03/11/2013 at 9:19 pm

【有片】上海地鐵激戰 拳拳到肉力的表現

香港嘅港鐵,出過好多嗌交嘅片段,不過只限動口爆吓粗咁,真係郁手就冇乜。大陸上海地鐵就唔同喇,直接!率真!唔駛講嘢,開拖!呢條片喺月中擺上網,啱啱日本網站分享咗,仲同「Don Frye vs 高山善廣」嘅經典摶拳比較……影片中段曾經有人出嚟勸交成功o架,不過可惜中場休息一陣之後,叮!叮!

Read more ›
新片速報   iPad  360度全景睇故事   點轉都得
by / on 03/11/2013 at 4:19 pm

新片速報 iPad 360度全景睇故事 點轉都得

iPad Air炒唔起,一班真正用家最開心,睇埋呢單新聞iPad用家仲開心。瑞士公司apelab最近開發咗一個嶄新嘅睇片模式,當你拎住部iPad時,可以左轉右轉,睇倒360度全景,唔再局限於一個指定框框入面。當然,影片內容要先透過360度全景拍攝先可以做得倒,睇落幾過癮,不過隻手長期舉起轉嚟轉去就有少少攰嘞。

Read more ›
新片速報 Freddie Wong又有新片「Mobile Squad」
by / on 03/11/2013 at 10:21 am

新片速報 Freddie Wong又有新片「Mobile Squad」

上星期先有條新片,今日又有,Freddie Wong呢排好勤力。呢條叫做「Mobile Squad」嘅片,迎救美國總統喎!個題材好史詩式,不過原來佢想玩嘅係手機遊戲……

Read more ›

本週爆Like圖 阿婆發威打GTA 牛奶糖做黃金俠
by / on 02/11/2013 at 11:57 pm

本週爆Like圖 阿婆發威打GTA 牛奶糖做黃金俠

今個星期,依然好多GTA報道,機迷們似乎就算玩《Battlefield4》、《刺客教條4》之餘都唔捨得佢。當中就有一位婆婆玩GTA玩得好奔放,睇佢打仲爽過自己玩。另外好多人like嘅仲有上星期報道嘅日本神人作品—-森永牛奶糖盒黃金俠,全完變形,未睇或睇漏咗,今晚夜啲瞓,入嚟回帶!  

Read more ›
【有片】科威特火爆球證 拳腳判極刑
by / on 02/11/2013 at 9:23 pm

【有片】科威特火爆球證 拳腳判極刑

係,唔好話落場,睇直播有時見到球證亂吹,真係火都嚟。不過球員就係要克制自己,如果唔係,除咗被紅牌制裁之外,除時仲要捱拳腳!呢個球證好火爆,喺一場賽事入面判咗個12碼,之後一方球員圍佢仲推撞佢,佢處變不驚,先嚟一拳,搞掂一個!之後旁證同龍門埋嚟幫手勸交,球證都係忍唔住要嚟多腳,之後,仲狂派紅牌。

Read more ›
【有片】運動唔怕遲 55歲減肥變肌肉老人
by / on 02/11/2013 at 6:09 pm

【有片】運動唔怕遲 55歲減肥變肌肉老人

近排興練大隻,由張家輝開始到杜文澤,嘩40幾歲人都仲練到喎。其實唔只,呢位嚟自美國Kentucky嘅伯伯Robert,佢55歲嗰陣因為過重而要靠拐杖先行到路,於是佢決心玩健身,之後喺網上見到啲人拍片,利用戶外唔同嘅設施做健身,從此愛上。嚟到o依家佢已經64歲,單手掌上壓,仲有大量高難度動作都難佢唔到!只要肯開始,永遠唔怕遲呀!

Read more ›
新片速報《Dead Island》超強喪屍片 血腥的感動
by / on 02/11/2013 at 12:23 pm

新片速報《Dead Island》超強喪屍片 血腥的感動

雖然我鍾意喪屍電影喪屍遊戲,但係《Dead Island》呢隻遊戲我一向都麻麻。遊戲質素唔算超班,奇怪嘅係佢嘅預告片全部都超好睇,仲記得情侶遊船河嗰條都拍得幾有型。呢條真人重拍嘅喪屍預告短片採用回帶方式表達劇情,一個瞓喺草地嘅女仔,到底之前經歷咗啲咩?信我,血腥得嚟有啲感動。

Read more ›

本週人氣

9666 views

【有片】可愛到癲!「你點解嚟日本?」節目 日本網民狂讚16歲波蘭妹妹

7902 views

日本「裝銀仔」神器 網民推介Twitter熱傳

7521 views

Nintendo Switch Online遊戲列表 20隻經典周三有得玩

6591 views

我就是高達!舞台劇《機動戰士Gundam 00》角色登場

6263 views

機迷出圖 如果出Marvel’s Iron Man遊戲