動畫

【新片速報】日本7-11提款機聯乘Animate       動漫角色識講嘢陪撳錢
by / on 29/08/2018 at 7:10 am

【新片速報】日本7-11提款機聯乘Animate 動漫角色識講嘢陪撳錢

去日本買嘢買到無晒錢?可以撳機吖,最近日本嘅7-11自動櫃員提款機同專賣動漫產品嘅Animate合作,推出特別版提款機,入面有7個動漫角色做主角,每次撳機都有動漫人物同你講嘢,例如叫你等等、提你記住拎錢等,暫時率先喺池袋同新宿嘅Animate裝置,去開買嘢可以體驗吓,唔知幾時會出埋女角色版呢?有網民提議要出AKB,亦有日本網民試咗仲拍埋片,入嚟有得睇。

Read more ›

日本動漫迷「天才級」儲錢大法    攝入偶像心口有動力
by / on 28/08/2018 at 7:53 am

日本動漫迷「天才級」儲錢大法 攝入偶像心口有動力

作為動漫迷,呢位日本網民都算好識諗。佢發現為咗心愛嘅動漫人物不斷洗錢都唔係辦法,於是自創咗個另類嘅儲錢方法,就係將啲錢攝入去佢鍾意嘅《あんさんぶるスターズ!》動漫角色啲衫、褲頭入面!做法好簡單,喺張poster度界幾刀就得,網民都大讚佢係天才,佢仲用齊唔同角色,儲咗好多錢,仲啟發咗唔少網民,入嚟有得慢慢睇。

Read more ›
【相集】超高質合成相片      手機融入真實場景
by / on 27/08/2018 at 7:09 am

【相集】超高質合成相片 手機融入真實場景

今時今日大家都係手機不離身,外國呢位攝影師François Dourlen就諗到將手機畫面融入實機,將眼中見到嘅嘢,加上自己嘅想像,變成一幅幅特別嘅作品,由Mario到超級英同政治人物,全部都好高質,連足球小將都有!入嚟有回帶,推介。鍾意嘅記住follow埋佢嘅IG嘞。

Read more ›
日本迷你版「童貞必殺服」 咸蛋超人誘人姿勢Twitter熱傳
by / on 26/08/2018 at 3:50 pm

日本迷你版「童貞必殺服」 咸蛋超人誘人姿勢Twitter熱傳

童貞必殺服之前好流行吖,成龍好多年前都著過,咁最近有網民自己織咗件迷你版,目標對象係屋企隻咸蛋超人。著起之後梗係要影返輯寫真,無諗過咸超可以擺出咁誘人嘅姿勢,尤其是背面嗰幾張,露出少少股罅相當誘惑‥‥‥

Read more ›
《多啦A夢》主角變靚樣      P圖過晒火Twitter熱傳
by / on 25/08/2018 at 3:35 pm

《多啦A夢》主角變靚樣 P圖過晒火Twitter熱傳

之前多啦A夢嘅胖虎都試過變靚仔,不過今次仲過份!最近幾集講到新法寶「講大話嘅鏡子」,用咗佢,胖虎都變韓星,仲有大雄對眼變到超大,連多啦A夢都變高仲有肌肉,搞到佢紅都臉晒。上網仲搵到小夫、大雄媽媽、靜香,全部好似用咗P圖P過籠咁,超好笑!之後仲有大量網民貼圖回覆,有好多經典嘅二次創作回帶。

Read more ›
東京地鐵發現Pokemon   「丸ノ内線」出沒粉絲注意
by / on 23/08/2018 at 7:12 am

東京地鐵發現Pokemon 「丸ノ内線」出沒粉絲注意

去開東京嘅Pokemon迷可以留意吓嘞,最近有日本網民坐到呢架列車,入面全部都係Pokemon嘅佈置,唔止車窗,連地下都係,好正!行駛地點係東京地鐵嘅「丸ノ内線」,係宣傳11月16日發售,由Game Freak開發嘅Switch《ポケットモンスター Let’s Go! ピカチュウ・イーブイ》。

Read more ›

中川翔子參觀「荒木飛呂彦原画展」 JOJO立俾保安發現超尷尬
by / on 22/08/2018 at 7:54 am

中川翔子參觀「荒木飛呂彦原画展」 JOJO立俾保安發現超尷尬

中川翔子又去咗玩嘞!今次係8月24日開展嘅「荒木飛呂彦原画展 JOJO冒険の波紋」,一班嘉賓可以率先預覽,中川翔子仲喺活動場地門口表演JOJO立,不過俾保安人員發現好尷尬,當然唔少得同不老不死嘅荒木飛呂彦合照,仲有見到《鐵拳浪子》千葉徹彌、藤子不二雄Ⓐ,入嚟有多啲場觀入面嘅相睇,超正!準備去或者去唔到嘅都可以率先欣賞吓。提提大家,個展覽去到10月1日,喺東京六本木「国立美術館」舉行,係28年嚟第2位漫畫家可以喺呢度開展覽(第1位係已故嘅手塚治虫老師)。集30年大成,係JoJo最大型嘅原畫展,準備夏天去東京嘅JoJo迷快啲計劃吓嘞。

Read more ›
Pokemon手機線保護器 全部擘大口超可愛
by / on 21/08/2018 at 7:54 am

Pokemon手機線保護器 全部擘大口超可愛

又係呢款好可愛嘅保護電話線產品「Cable Bite」,之前都出過Pokemon,但係今次6個角色全部擘大口,實在太可愛嘞,就算屋企已經有幾個Cable Bite都依然好想買晒佢哋返屋企!每個賣680円,我最想要係傻鴨コダック,好得意!

Read more ›
日本超可愛「龍貓」    真《龍貓》巴士場景Twitter熱傳    
by / on 19/08/2018 at 3:29 pm

日本超可愛「龍貓」    真《龍貓》巴士場景Twitter熱傳    

好多人都有養「龍貓」,即係美洲慄鼠啦,最近有日本網民將隻龍貓放咗喺個真正嘅《龍貓》動畫巴士站場景入面,無論身形比例同顏色都好相似,超可愛!隻識郁嘅龍貓仔個樣仲超萌,吸引好多人網民RT。入嚟仲有多啲佢嘅生活照可以睇,主人係超級《龍貓》迷,屋企有大量《龍貓》精品,好多互動相好搞笑。

Read more ›
【有片】黃金之風!《JoJo奇妙冒險》第5部動畫新PV
by / on 17/08/2018 at 11:21 am

【有片】黃金之風!《JoJo奇妙冒險》第5部動畫新PV

嚟緊有冇人出發去東京睇JoJo展?聽講錢編輯已經買定飛下個月去喇……去唔到嘅,嚟緊10月都有嘢睇嘅,就係第5部動畫《ジョジョの奇妙な冒険 黄金の風》!主角Giorno Giovanna(ジョルノ・ジョバァーナ)由小野賢章聲演,話時話,當年我係因為追入樽而「順便」睇埋第5部連載,之後先追番第1至4部嘅。

Read more ›
【有片】劇場版《機動戦士ガンダムNT》特報 11月30日再戰宇宙世紀
by / on 16/08/2018 at 1:15 pm

【有片】劇場版《機動戦士ガンダムNT》特報 11月30日再戰宇宙世紀

呢套講《機動戦士ガンダムUC》後續世界嘅劇場版動畫《機動戦士ガンダムNT》係自《機動戦士ガンダムF91》27年以嚟嘅「宇宙世紀」系列完全新作劇場版。11月30日喺日本上映,啱啱有特報影片,聲優包括榎木淳弥、村中知、松浦愛弓等。

Read more ›

日本編輯自製「示愛痛袋」 「荒木飛呂彥」大頭相貓貓都鍾意
by / on 14/08/2018 at 7:42 am

日本編輯自製「示愛痛袋」 「荒木飛呂彥」大頭相貓貓都鍾意

痛袋不限年齡都可以揹嘅,日本出版社嘅副編集長「池谷勇人」最近整咗個「痛袋」比自己,上面有句標語「We Love Araki」,之後仲有不老嘅波紋使用者「荒木飛呂彥」同埋挑皮動作嘅JoJo,細相就係不同年代同型態嘅荒木飛呂彥,當中包括蒙羅麗莎同埋土方歲三…….同埋佢隻貓似乎都好鍾意呢個背包,好快就已經霸佔咗‥‥‥

Read more ›
《超人》建築物扭蛋 破損大廈配玩具
by / on 14/08/2018 at 7:05 am

《超人》建築物扭蛋 破損大廈配玩具

日本「特攝之神」圓谷英二拍攝嘅科幻影集《超人系列》唔經唔覺已經超過50年歷史,之前Bandai旗下嘅Gashapon出過發光扭蛋,仲出埋對應嘅場景建築物,最近佢哋推出建築物嘅第二彈,破捐嘅建築物包括大廈、民居,仲有埋挖土機、貨車同埋紅白煙囪,今個月推出,鍾意特撮同埋超人玩具嘅記住留意返嘞。

Read more ›
日本首間Snoopy主題酒店 超型房間8月9月爆滿
by / on 12/08/2018 at 3:48 pm

日本首間Snoopy主題酒店 超型房間8月9月爆滿

唔講唔知,原來之前日本無Snoopy嘅主題酒店,不過8月開始有嘞,位於神戶市嘅呢間Peanuts Hotel同想像中嘅Snoopy酒店有啲唔同,入面嘅裝修超型,總共有18間客房,有齊Snoopy、Charlie Brown同他角色,入嚟有多啲相睇。不過暫時8-9月已經full晒嘞,嚟緊8月20日香港時間中午12點可以預訂10月至11月嘅房間,鍾意Snoopy嘅記住bookmark定嘞!

Read more ›
【有片】EVA迷必睇 「新幹線」新一集超豪華聲優陣 聽〈残酷な天使のテーゼ〉
by / on 11/08/2018 at 10:05 am

【有片】EVA迷必睇 「新幹線」新一集超豪華聲優陣 聽〈残酷な天使のテーゼ〉

之前都報過,就係今朝(11日)嘅《新幹線変形ロボ シンカリオン》會有《Evangelion》主題,係估唔到咁勁!早一集已經有「葛城ミサト」三石琴乃把聲預告,今朝播放時入面仲聽到〈残酷な天使のテーゼ〉,而且唔只緒方恵美嘅「真嗣」,仲有其他聲優客串!

Read more ›

本週人氣

8076 views

《銀魂》完結篇最後畫面 原來……

7514 views

Nintendo Switch Online遊戲列表 20隻經典周三有得玩

6391 views

新片速報 陳年街機合作幾打 《Capcom Belt Action Collection》網上連線

6019 views

日本「裝銀仔」神器 網民推介Twitter熱傳

5257 views

機迷出圖 如果出Marvel’s Iron Man遊戲