動畫

實況率先睇 初音香港首次演唱會
by / on 02/10/2012 at 11:42 pm

實況率先睇 初音香港首次演唱會

今日(2日)初音未來第一次嚟香港開演唱會,開晏晝同夜晚兩場,近飛企位,遠飛坐位,計我話就梗係企就開心啲啦!場內唔俾影相,舞台相片要等官方發放,應該聽日有喇!留意續報啦!好,講番今晚花絮先,未入場已經見到綠色閃燈,因為有好多叔嬸拎住熒光棒兜售,喂!乜咁醒多數都係賣綠色嘅?仲有個啲熒光棒上面寫住初音未來o架!PS Vita喺門口擺咗個試玩攤位,仲有Tiffie又扮初音……

Read more ›

《Evangelion新劇場版:Q》綾波麗請你食飯計劃
by / on 02/10/2012 at 11:23 am

《Evangelion新劇場版:Q》綾波麗請你食飯計劃

其實我想講,就算《Evangelion新劇場版:Q》完全冇宣傳,完全冇crossover,我都係會乖乖地買飛入場睇。不過下集都唔知幾時上,唔趁今集掠到你盡咩?嗱,今次就唔係出啲產品引你俾錢,而係有著數俾番你,由今日開始至11月30日喺日本1950間食店,包括笑笑、白木屋等居酒屋消費,只要你同動畫中主要角色同名或同姓或同名同姓,咁就會有折頭,最勁半價!咦?唔知如果我叫黃日香、陳波麗、趙真希、凌波波咁,有冇得平?

Read more ›
新片速報《009 RE:CYBORG》預告片曝光
by / on 28/09/2012 at 3:17 pm

新片速報《009 RE:CYBORG》預告片曝光

原作石ノ森章太郎、腳本及監督神山健治,全新製作人造人009動畫劇場版《009 RE:CYBORG》,將會喺10月27日喺日本上映。之前見到佢哋嘅造型已經勁期待,睇埋呢段最新預告片,真係必睇。仲有,官網都值得一去,因為可以睇到今次作品同各單位嘅合作產品,當中同銀器飾物潮牌Jam Home Made嘅就夠晒有型,仲有[email protected]、百事等等!最後,Medicom都會幫佢出RAH系列呀!

Read more ›
超型海報登場《LUMINE MENS × EVANGELION TYPE BLUE》
by / on 26/09/2012 at 6:20 pm

超型海報登場《LUMINE MENS × EVANGELION TYPE BLUE》

《Evangelion 新劇場版:Q》11月17日上,我仍然期望香港可以同步上……因為你知啦,今年12月21日隨時係第一次衝擊嘛……可惜因為中日關係,北京國際動漫博覽會個日本館將會延期登場,即係入面嘅EVA都唔會去中國住,不過日本本土就梗係繼續宣傳啦!最新係喺10月間喺東京LUMINE EST新宿同埋LUMINE MAN澀谷消費滿一定金額,就可以得到河村康輔設計嘅海報、file、貼紙等產品,新宿係綾波零,澀谷係初號機!嘩嘩嘩嘩!又係咁!我啱啱返嚟咋頂!

Read more ›
新片速報 《超時空要塞 FB7》雪露 X 蘭卡 X Basara!
by / on 24/09/2012 at 10:30 am

新片速報 《超時空要塞 FB7》雪露 X 蘭卡 X Basara!

喺10月20日就會於日本上映、為記念超時空要塞30周年嘅新劇場版《超時空要塞 FB7》,全名為《マクロスFB7 銀河流魂 オレノウタヲキケ!》,啱啱就有新片段發佈!融會94年登場嘅《Macross 7》同最新作《Macross Frontier》,喺片段中雖然見唔到Fire Bomber嘅Basara同雪露女王、蘭卡相遇,但就見兩個歌姬睇緊Fire Bomber嘅錄影帶,最後仲同熒幕裏面嘅Basara合唱!順帶一提,喺TGS公佈會推出嘅新遊戲《Macross 30》官網亦開張,歷代角色都會登場!

Read more ›
《Evangelion》 Mark.06直昇上月球!
by / on 18/09/2012 at 12:57 pm

《Evangelion》 Mark.06直昇上月球!

細細個有冇玩呢隻玩具?有條嘢你一拉,個螺旋翼就起飛,飛到老連咁遠又要執,執完又拉,又執,咁就半日。《Evangelion新劇場版:Q》11月17日喺日本上映,咁近呢半年佢啲產品都四出嚟咬人,最新呢隻Mark 6.0就有螺旋翼喺個頭,就係開頭講嗰隻懷舊玩具。2,000日元,10月4日發售,玩多兩次,花晒啦!

Read more ›

新片速報《Biohazard Damnation》CG電影新預告
by / on 14/09/2012 at 1:27 pm

新片速報《Biohazard Damnation》CG電影新預告

唔係西人嗰套,嗰套係真人版嘛,呢套《Biohazard Damnation》係CG動畫電影。10月27日喺日本上2D同3D版。主題曲由土屋安娜主唱,名為〈CARRY ON〉……講講吓離咗題,冇呀,套電影出咗最新預告片,片中除咗有Leon等主角外,仲有強敵暴君「タイラント」霸氣現身!不過,其實……我打機好過啦。

Read more ›
初音成立Google+專頁  創作者交流估歌仔
by / on 12/09/2012 at 11:35 am

初音成立Google+專頁 創作者交流估歌仔

遊戲已經出咗,但初音熱潮仲未減弱,最新動作係同Google+合作,成立專頁搞「Miku Creator’s Project on Google+」活動,廣邀鐘意初音嘅創作者,一齊交流吓創作心得,仲可以睇埋新出嘅59秒短片估吓邊個係創作者,好鬼學術性。之於有玩開初音嘅,都應該記得入面有首由八王子P創作嘅《Weekender Girls》,呢位知名初音VOCALOID創作者,最新單曲fake doll亦成為今次企劃嘅主題曲。 不過話時話,你個Google+無開幾耐?

Read more ›
新片速報《TIGER & BUNNY The Beginning》中文預告
by / on 11/09/2012 at 2:49 pm

新片速報《TIGER & BUNNY The Beginning》中文預告

當我見到《TIGER & BUNNY The Beginning》劇場版都可以港日同步喺9月22日上映,仲有首映現場直播,我好有信心,《Evangelion新劇場版:Q》都做得到……我夠膽講句,如果有埋映直播,貴一貴我撲飛!講番《TIGER & BUNNY The Beginning》,啱啱台灣官方有中文預告片發放,睇咗先講嘢。

Read more ›
《Evangelion新劇場版:Q》 X UCC 新罐曝光 歷代晒冷 牆布下載
by / on 10/09/2012 at 10:11 pm

《Evangelion新劇場版:Q》 X UCC 新罐曝光 歷代晒冷 牆布下載

鑊鑊都係咁!東京遊戲展嗰幾日開始賣唔得嘅?10月15日先開始賣你開心啲咩?會好賣啲咩?頂!我知UCC次次EVA上映又X出碟又X,我自己都有幾罐收藏,但今次唔同嘛!你睇啲畫,藍天背心仔迷彩褲,靚到!仲有抽獎Tee同真希波Figure,我真係好想要,不能逃避不能逃避不能逃避……好喇,發完癲,講番個網,今次堅,有Twitter頭像同Wallpaper下載,仲有電腦用、手機用Wallpaper免費下載,最正係仲有UCC歷代出過嘅EVA咖啡回顧,我睇到唔捨得走。最後,仲有一張第3新東京市專用自動販賣機地區分佈圖,又係堅靚呀呀呀呀呀!

Read more ›
10月2日開播《超速変形ジャイロゼッター》動畫加日本試玩遊戲影片
by / on 04/09/2012 at 5:30 pm

10月2日開播《超速変形ジャイロゼッター》動畫加日本試玩遊戲影片

《超速変形ジャイロゼッター》街機遊戲喺日本推出咗一排,勁在集合賽車同動作遊戲於一身,部賽車機身仲識變型!到戰鬥場面識伸出幾個操控桿嗰吓,真係以為自己揸緊變型機械人呀!動畫方面,日本就定咗10月2日會開播,以下有動畫預告、日本嘅實機試玩片等等片段,對呢個作品有興趣嘅入嚟咩都睇晒呀!

Read more ›

《Tiger & Bunny》劇場版同步首映 嘉禾黃埔9/22全程直播4粒鐘
by / on 04/09/2012 at 1:04 pm

《Tiger & Bunny》劇場版同步首映 嘉禾黃埔9/22全程直播4粒鐘

《TIGER & BUNNY The Beginning》劇場版將會喺9/22日喺日本上映,今次香港動畫迷都有福了,因為會同日本同步上映之外,仲有戲院直播日本嘅首映禮連劇場版播放,睇埋真人英雄、聲優現場現身!再嚟UNIOSN SQUARE GARDEN、NOVELS、Rihaw LIVE即席演繹多首《Tiger and Bunny: The Beginning劇團版》電影主題曲同插曲!下個星期9月11日開始賣飛,入落行事曆啦,即撲呀!

Read more ›
新片速報 劇場版《Hunter x Hunter 緋色之幻影》預告
by / on 04/09/2012 at 9:37 am

新片速報 劇場版《Hunter x Hunter 緋色之幻影》預告

獵人漫畫依然冇聲氣,但係劇場版就準備妥當下年1月12日喺日本上映。最新發佈嘅預告片段,睇到四大主角現身之餘,仲有幻影旅團同重要人物畢索加登場,而最後就影住古勒比卡隻變紅眼睛紅火眼,中間就係幻影旅團嘅蜘蛛紋身,中間嘅數字係4號……

Read more ›
限量2,220套 超時空要塞30周年BE@RBRICK
by / on 01/09/2012 at 3:04 pm

限量2,220套 超時空要塞30周年[email protected]

今年真係特別多周年紀念,MGS同FF就25周年,初音就5周年,超時空要塞就30周年!對於我呢類老餅動漫迷,對元祖超時空要塞嘅產品抵抗能力真係極低,好似睇見呢套10月3日發售,限量2,220套嘅「Macross 30th anniversary Macross 1982→2012×[email protected] 100% 3pcs SET limited edition」,當中有一隻明美呀!係著旗袍嘅明美呀!賣5,229日元,我覺得真係抵喎!另外兩隻Macross F嘅,我唔要都得呀!

Read more ›
超萌!《初音未來PROJECT-Diva-f》貓耳眼鏡孃造型登場
by / on 29/08/2012 at 9:19 pm

超萌!《初音未來PROJECT-Diva-f》貓耳眼鏡孃造型登場

仲有一日喳!倒數倒數!講緊係聽日推出嘅PS Vita遊戲《初音未來PROJECT-Diva-f》,官方剛剛公佈今集新追加可以幫初音轉造型嘅功能,頭、面、身、甚至背部都有得變身,貓耳呢啲可愛嘢一定唔少得,仲有得整條尾比佢,同埋加個蝴蝶或者噹噹喺身,不過最驚喜(!)係有埋多款眼鏡造型比埋你揀,啱晒熱愛眼鏡孃嘅粉絲。同埋仲有3首新曲公佈,包括「どういうことなの!?」「モノクロ∞ブルースカイ」同埋「眼鏡(MEGANE)」,係,又係眼鏡,真係超萌!

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10805 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10496 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9363 Views