動畫

新片速報  官方認可Toy Story重製低清片
by / on 14/01/2013 at 8:09 am

新片速報 官方認可Toy Story重製低清片

你無睇錯,呢套Toy Story新片真係得到Pixar官方認可製作,由兩個分別19歲同埋21歲嘅年青人Jonason Pauley及Jesse Perrotta,用咗兩年幾時間,以真實玩具重製嘅1小時20分鐘長片, YouTube啱啱有得睇。拍攝手法非常lo-tech,用stop motion加真玩具,仲可以見到魚絲吊住公仔郁嚟郁去;畫質呢?我盡力cap張靚圖,但得480p解像度‥‥‥故事呢?同第一集一樣,不過個小朋友變咗真人o靚仔。不過誠意呢?我會比滿分。最欣賞都係Pixar嘅大方,支持二次創作。而大家睇過呢個lo-tech版,又會更加佩服Pixar嘅特效,呢啲咪雙贏囉。

Read more ›

有片  蜘蛛俠變抹窗俠  兒童醫院氹細路
by / on 13/01/2013 at 4:29 pm

有片 蜘蛛俠變抹窗俠 兒童醫院氹細路

我認我一向都麻麻哋鐘意蜘蛛俠,我覺得佢有少少醜樣,但係人不可以貌相,今日睇新聞見倒呢個抹窗嘅蜘蛛叔叔,睇埋背後嘅故事,我覺得好warm,後悔自己以貌取人。喺美國佛羅里達州嘅Tampa Bay,為咗令住院小朋友可以開心笑吓,當日喺All Children’s Hospital清潔落地玻璃窗嘅叔叔,化身做蜘蛛俠爬牆抹窗。原來呢個英雄兵團仲有美國隊長,之前都去過Children’s Hospital旗下其他醫院探小朋友。講真,著住呢件密不透風嘅蜘蛛俠衫抹窗都幾侷吓,但我第一次咁鐘意蜘蛛俠。

Read more ›
新片速報《機動戦士ガンダムUC》第6集預告
by / on 11/01/2013 at 1:04 pm

新片速報《機動戦士ガンダムUC》第6集預告

自從Unicorn宣佈會出多一集,第7集先完結,我個心當堂定咗落嚟,如果唔係啲劇情點交代得晒呀?第6集DVD同BD會喺3月22日推出,官方就發佈咗短版嘅預告片,咦?唔記得第5集講到邊?係,翻睇啦!至於會唔會買藍光?我就唔會住,因為我深信佢出晒7集,一定有特別版套裝……

Read more ›
新片速報《藍精靈 2》中文版預告片 暑假上映
by / on 10/01/2013 at 3:30 pm

新片速報《藍精靈 2》中文版預告片 暑假上映

藍精靈十分勁,上年嗰套真人加CG《藍精靈》大家有冇睇?其實我覺得幾好睇唔係差,估唔到係咁快就有第2集,而且今年7月31日就會喺美國上映,台灣8月,香港未知。基本上原班藍精靈喺晒度,加達同阿沙都係繼續做壞人,不過今次啲橋有啲舊,就係話壞蛋巫師整咗兩隻假嘅藍精靈出嚟,而本來都係佢整嘅美詩,都變番壞,唔知係咪無間道呢?

Read more ›
新片打孖 3DS正統全新作《Pokémon X / Y》 10月推出
by / on 08/01/2013 at 8:50 pm

新片打孖 3DS正統全新作《Pokémon X / Y》 10月推出

有冇睇啱啱香港時間7點個網上發佈會「Pokémon Direct」?果然,大家都估中咗,就係3DS首款正統新作《Pokémon X / Y(ポケットモンスターX/Y)》!入面有兩條片,一條回味番頭先個發佈會,另一條就係齋遊戲預告,10月日本、歐美同步推出,玩完金銀藍紅黑白,今次輪到XY,片入面仲有三隻新登場小精靈現身!社長仲同大家回顧所有舊作添呀!

Read more ›
新片速報 Catzilla喵斯拉動畫 以喵抗喵
by / on 08/01/2013 at 11:40 am

新片速報 Catzilla喵斯拉動畫 以喵抗喵

呢條vimeo嘅影片製作得好認真,首先,個名就係抄哥斯拉嘅喵斯拉(Catzilla),而巨型喵斯拉破壞嘅場面都好壯觀,就係佢不斷破壞地球嘅時候,救世者出現喇!佢拋出一個喵錦囊,變出一隻巨型白喵,再聯手對抗奸黑貓,最後……自己睇。

Read more ›

Star Wars曲奇  度身訂製送上門
by / on 06/01/2013 at 12:38 pm

Star Wars曲奇 度身訂製送上門

冬天嘅星期日,絕對係獨居人士考驗意志嘅重要時刻,你會求其煮個公仔麵食,還是加條腸煎隻蛋?定抑或好神心咁開個焗爐整曲奇?睇見呢套由外國人Jill整嘅Star Wars加Angry Birds曲奇,我由衷佩服,樣靚之餘睇落仲好好味。唔好問我點整,因為我今朝只係食咗個麵包送暖水。Jill可以幫你度身訂製任何想要嘅款式,最低消費12件起,大約港幣$240左右,下面有其他米奇老鼠、胡迪嘅貨辦睇,仲有埋送貨服務O忝!唔知屯門送唔送呢?

Read more ›
《聖☆哥傳》動畫宣傳片 惡搞《EVA》《One Piece》
by / on 03/01/2013 at 7:30 pm

《聖☆哥傳》動畫宣傳片 惡搞《EVA》《One Piece》

下年5月就上映嘅《聖☆哥傳》動畫,貫徹惡搞風格,之前就出咗兩條預告片。大膽在佢走去惡搞兩套仲喺日本上映緊嘅超大作,包括《Evangelion新劇場版:Q》同埋《One Piece Film Z》!搞到全個畫面都係EVA字但寫住「南無阿彌陀佛」,再嚟就係玩海賊嘅熱血、友情,正!

Read more ›
初音賽車  GOODSMILE RACING官網新造型曝光
by / on 03/01/2013 at 12:09 pm

初音賽車 GOODSMILE RACING官網新造型曝光

作為初音粉絲,就算唔識賽車都應該聽過GOODSMILE RACING車隊,由2009年開始申請使用初音未來痛車作為出戰賽車,最吸引係會同期出埋初音figure,記性好嘅應該記得2011年嘅橙色衫初音,拎住支油槍嘅特別造型。嚟到2013年,官方網站啱啱公佈最新初音造型,暫時只得背面,但已經令人超期待。下面仲有舊造型回顧止渴。

Read more ›
新片速報 《閃亂神樂》女角賀年 動畫6號開播
by / on 01/01/2013 at 11:39 am

新片速報 《閃亂神樂》女角賀年 動畫6號開播

PS Vita隻遊戲下個月尾先有得玩,但係由3DS遊戲改編嘅動畫《閃亂神樂(閃乱カグラ)》就會喺1月6日喺日本開播,有興趣嘅要勤啲上網喇。官方趁住日本新年除咗喺網站發佈咗飛鳥、斑鳩同葛城嘅賀年插圖外,仲有新宣傳片睇,睇過你就知,呢套嘢真係唔係咁簡單。

Read more ›
2012世界十大幻像奇景  眼前非事實!
by / on 31/12/2012 at 6:59 pm

2012世界十大幻像奇景 眼前非事實!

仲有幾個鐘就踏入2013,我都趁墟數吓十大先!今次總結2012年最令人嘆為觀止嘅幻像奇景,咩叫幻像?梗係唔係「你睇我唔倒,總之你硬係就睇我唔倒。」嗰啲無聊嘢,而係睇完你會擘大個口得個窿,唔知佢點解,又好想睇完再睇嘅得意幻像。當中有廣告有藝術作品,全部清一色呃倒人,真真假假好難分!

Read more ›

有片  初音痛單車 駁software隨時轉款
by / on 31/12/2012 at 2:15 pm

有片 初音痛單車 駁software隨時轉款

除咗痛車外,日本都仲有痛單車!今次唔駛將部自転車貼滿貼紙,而係喺車轆位置裝兩條長形LED燈,你鍾意變初音又得、EVA又得,因為呢個ANIPOV嘅裝置有埋software比你接駁電腦,自己設計圖案隨時轉款都無問題,2013年1月正式發售,開價18900円,不過只限16吋車轆,行3A電池,唔防水防洪,落雨天都係唔好晒命嘞。

Read more ›
《反斗車王》飛上天 《Planes》下年夏天上映
by / on 25/12/2012 at 2:02 pm

《反斗車王》飛上天 《Planes》下年夏天上映

Pixar動畫《反斗車王(Cars)》早幾個月已經發佈咗新動畫《Planes》嘅預告片(入嚟有得睇),呢套係《反斗車王》姊妹作嘅《Planes》由DisneyToon Studios製作,有飛機,有戰機、隱形戰機、螺旋機……主角叫Dusty,又係老爺機一架,到底佢會唔會達成夢想飛均全世界?我反而有與趣知香港譯名係咩,《反斗機王》?《反斗飛王》?電影預定8月9日喺美國上映。

Read more ›
新海誠新作《言の葉の庭》下年初夏推出
by / on 24/12/2012 at 5:24 pm

新海誠新作《言の葉の庭》下年初夏推出

睇完《秒速5厘米》之後,就睇番佢《雲之彼端 約定的地方》等舊作,加埋上之前套《追逐繁星的孩子》,總合講句,我係覺得新海誠啱拍愛情嘢多啲。新海誠今日就喺佢嘅官網度公佈咗新劇場版動畫嘅海報,名為《言の葉の庭》,將會分為前後兩集,前部會喺2013年初頁登場,背景係現代,故事講愛情,期待。

Read more ›
《劇場版銀魂》第2彈下年夏天推出 + PSP《銀魂大富翁》第4彈PV
by / on 24/12/2012 at 12:50 pm

《劇場版銀魂》第2彈下年夏天推出 + PSP《銀魂大富翁》第4彈PV

「Jump Festa 2013」嘅現場消息,就係宣佈《劇場版銀魂》第2彈將會喺下年夏季登場,由藤田陽一監督,原班人馬聲優演出。另一邊,下個月24日PSP都有隻《銀魂大富翁》推出,官方有第4彈PV發佈,Live 2D技術到底係咩?就係對話畫面時個角色都識郁嚟郁去咁囉。

Read more ›

本週人氣

10196 views

【有片】可愛到癲!「你點解嚟日本?」節目 日本網民狂讚16歲波蘭妹妹

8119 views

【有片】日本狂人搗亂Family Mart 網民:「激似《人中之龍6》!」

7757 views

日本網民自製「LED眼鏡」 發光效果勁似「碇司令」

7410 views

我就是高達!舞台劇《機動戰士Gundam 00》角色登場

6095 views

黃符遮三點 超性感殭濕子Figure