影音新聞

【新片速報】加州山林大火「救貓片」熱傳     被救貓仔超嗲人
by / on 21/11/2018 at 7:55 am

【新片速報】加州山林大火「救貓片」熱傳 被救貓仔超嗲人

美國加州山林大火傷亡慘重,至今77人喪生近千人失踪,救災人員個個都好攰,不過最近有段關於救貓嘅片喺網上熱傳,救災人員Ryan Coleman喺現場發現咗隻貓,隻貓一見到佢就好熱情,仲企喺佢膊頭不停用頭揩揩刷刷,段片放上網後好多人討論,有人話隻貓好鍾意呢位新主人,有人讚Ryan係真英雄。最新消息係隻貓嘅主人已經聯絡咗佢哋,而家隻貓會留喺附近鄰居屋企等主人。入嚟有得回帶睇返條片,睇得出隻喵真係好鍾意Ryan,超嗲。

Read more ›

【新片速報】小朋友第一次剪髮爆喊    髮型師合唱片Twitter熱傳
by / on 21/11/2018 at 7:07 am

【新片速報】小朋友第一次剪髮爆喊 髮型師合唱片Twitter熱傳

好有愛呀!呢位估計來自意大利嘅小朋友第一次去剪頭髮,可能太驚所以爆喊!不過現場班髮型師竟然一齊合唱兒歌分散佢嘅注意力,仲要唱到好high搖晒手,超搞笑。最後策略成功,個小朋友好快就唔喊嘞。段片喺Twitter都有超過4百萬瀏覽,好誇張,入嚟有片睇。

Read more ›
【有片】超治癒「串燒喵兄弟」     大被冚頭瞓影片Twitter熱傳
by / on 20/11/2018 at 7:52 am

【有片】超治癒「串燒喵兄弟」 大被冚頭瞓影片Twitter熱傳

呢段片真係超治癒,難怪喺Twitter已經超過100萬瀏覽。天氣凍凍哋,有咩好得過瞓覺?仲要冚住被瞓,仲要3隻喵攬住一齊瞓,好識嘆!睇完我都撻返落床唔想返工。

Read more ›
日本網民揭穿「高飛狗」邪惡一面   狂撳BB面珠超搞笑
by / on 20/11/2018 at 7:48 am

日本網民揭穿「高飛狗」邪惡一面 狂撳BB面珠超搞笑

平時喺主題樂園入面見到嘅卡通人物,對小朋友好親切好友善架,不過日日對住咁多曳嘅小朋友,有時都會忍唔住露出真性情嘅。好似最近有日本網民分享咗張相,話發現高飛狗抱住佢個囡囡時竟然篤人哋塊面珠墩!個B俾佢搞到呆咗唔識反應,而高飛狗個樣就超邪惡嘞!之後唔少網民貼圖回帶,原來主題樂園經常發生呢類事件,入嚟有得睇返,似乎受害人通常都係小朋友喎。

Read more ›
【相集】「超級英雄BB」系列     蜘蛛俠B倒吊好曳
by / on 20/11/2018 at 7:39 am

【相集】「超級英雄BB」系列 蜘蛛俠B倒吊好曳

超級英雄都會有意外,如果佢哋唔覺意做咗爹哋,佢哋嘅BB會係點?巴西插畫師Lucas Eduardo Nascimento創作嘅「超級英雄BB」系列就加入咗佢嘅幻想,有齊Iron Man、閃電俠、蜘蛛俠、蝙蝠俠‥‥‥全部都好寫實,入嚟有得睇晒佢。鍾意嘅可以follow埋佢IG,入面有好多超級英雄搞笑插畫睇。

Read more ›
【新片速報】日本喵星人匿藏新招 匿入鞋箱自己關門
by / on 19/11/2018 at 7:34 am

【新片速報】日本喵星人匿藏新招 匿入鞋箱自己關門

喵星人啲行為有幾搞笑?日本網民呢段片一定要睇。當佢返屋企時發現呢一幕,啲貓去晒邊呢?原來匿晒入個膠鞋箱入面,仲識自己關門,而且係兩隻,共犯呀!好聰明!

Read more ›

【新片速報】啡版任何仁食煙片熱傳      全面噴射超爆效果 
by / on 17/11/2018 at 3:39 pm

【新片速報】啡版任何仁食煙片熱傳      全面噴射超爆效果 

一見到呢啲矇晒面嘅造型,係咪又諗起任何仁?今次呢個啡色版本估計來自外國,因為身形好健碩,而佢表演嘅係食「電子煙」!究竟喺咁貼嘅面罩吓食煙會係點?效果好過份!難怪瀏覽量已經去到2百幾萬,入嚟有片睇!之後有其他網民跟住試,不過唔係太順利‥‥‥

Read more ›
日本哥斯拉Nanoblock 電影     《哥吉拉2016》第四形態迷你版
by / on 17/11/2018 at 3:38 pm

日本哥斯拉Nanoblock 電影 《哥吉拉2016》第四形態迷你版

好耐無買Nanoblock?最近有新嘢發表,係呢隻國寶級嘅哥斯拉,黑紅造型,以電影《哥吉拉2016》嘅第四形態哥斯拉做藍本,總共有630迷迷你nanoblock砌成,賣5184円,預計12月推出,哥斯拉fans留意返嘞。

Read more ›
超正《銀河守護隊》浣熊、樹人1/4雕像 兇狠造型即日預訂
by / on 17/11/2018 at 3:36 pm

超正《銀河守護隊》浣熊、樹人1/4雕像 兇狠造型即日預訂

呢隻新加坡XM Studios出嘅《銀河守護隊》浣熊「火箭」Rocket同樹人Groost雕像的確幾正。特別係火箭懶係惡嘅兇狠樣,配埋重裝備武器,好正!1/4比例,賣新加坡幣1399,即係大概港幣8千蚊港幣左右,都幾貴,有興趣可以去返官網,噚晚開始開放預訂嘞。

Read more ›
【有片】飛機窗外超靚雲海     日本網民:「靚到似遊戲畫面」
by / on 16/11/2018 at 7:58 am

【有片】飛機窗外超靚雲海 日本網民:「靚到似遊戲畫面」

搭飛機嘅時候唔瞓覺望出窗外,好多時都會見到超靚景色。日本有網民最近分享咗幾張相,由飛機窗口望出去嘅雲海,靚到好似CG遊戲畫面咁,有網民下載咗張圖嚟做wallpaper,有人仲索性key埋圖加埋林克、Mario大叔入去,效果零違和。入嚟仲有喺飛機上拍嘅片睇,好靚。

Read more ›
【撞樣】名牌手袋超似「拉打」Decade  相似度100%日本Twitter熱傳
by / on 16/11/2018 at 7:20 am

【撞樣】名牌手袋超似「拉打」Decade 相似度100%日本Twitter熱傳

撞樣嘅嘢經常發生,不過今次相似度勁高,有日本網民分享咗呢個手袋,無論用色同埋標記,都同「幪面超人Decade」勁似樣!不過個手袋好貴吓,係意大利品牌Valextra出品,顏色仲要係限量色,普通色都要港幣3萬幾一個,而家網上已經無晒呢隻色賣添嘞。

Read more ›

【有片】山本美月cosplay伊貝 大耳造型超可愛
by / on 16/11/2018 at 7:08 am

【有片】山本美月cosplay伊貝 大耳造型超可愛

藝人兼模特兒山本美月本身個樣已經好可愛,最近仲cosplay埋Pokemon嘅伊貝影相,全身毛毛造型嘅佢超可愛,最特別係對耳仔,用返頭髮包實,好似佢天生就係伊貝一樣,網民留言問邊度可以捉到佢,入嚟有片睇。其實佢今次係宣傳首飾品牌「Q-pot」首次同Pokemon聯乘出飾物,女仔見到應該好想買,入嚟有得睇。

Read more ›
【有片】日本網民拍片分享 台灣買「比卡超爆旋玩具」
by / on 15/11/2018 at 7:04 am

【有片】日本網民拍片分享 台灣買「比卡超爆旋玩具」

比卡超最近好忙,成日喺Twitter見到佢,又崩壞冬甩又毁容人形燒,入嚟有回帶。啱啱仲睇到呢個比卡超玩具,日本有網民拍咗片,話係同事喺台灣買返嚟嘅紀念品,超動感!印象中之前都有人喺中國買過,估唔到咁多人依然屹立不倒呀。

Read more ›
【理想與現實】日本網民自製「比卡超人形燒」    全部毁容Twitter熱傳
by / on 14/11/2018 at 7:11 am

【理想與現實】日本網民自製「比卡超人形燒」 全部毁容Twitter熱傳

最近日本好多人講Mister Donut嘅「崩壞版」比卡超冬甩,其實仲有另一個失敗案例,最近網民分享咗佢嘅案例,買咗個人形燒倒模諗住自製比卡超,點知出到嚟嘅效果好似毁咗容咁‥‥‥

Read more ›
【新片速報】比卡超真人版3D電影預告 周身毛男人聲日本fans接受唔到?
by / on 14/11/2018 at 7:00 am

【新片速報】比卡超真人版3D電影預告 周身毛男人聲日本fans接受唔到?

之前報導過比卡超會製作真人版3D電影《Pokémon: Detective Pikachu》,籌備咗兩年,最近終於有第一條Trailer睇嘞!不過日本網民睇完就唔係太接受到。首先配音由《死侍》Ryan Reynolds擔任,比卡超唔再係Pika Pika好尖咁叫,而係變成一把男人聲,仲識講完整句子。另外最多人談論係比卡超變成一身都係毛,有人話好似「賤熊」同埋「小魔怪」,亦有人問比卡超通電嘅時候係咪啲毛會豎起晒?另外,周身毛嘅除咗比卡超之外,仲有プリン Purin,好彩奇異種子就無毛嘅,入嚟有片睇。今次比卡超真係好多表情,經常賣萌‥‥‥電影2019年5月9日推出。

Read more ›

本週人氣

13352 views

日本熱傳小情侶插圖 表面純愛暗藏歡樂

5096 views

【相集】「超級英雄BB」系列 蜘蛛俠B倒吊好曳

3844 views

被惡搞 地下偶像變《遊戲王》「封印されしエクゾディア」

3488 views

【有片】日本機迷發現 任天堂DS隱藏彈射功能?

3395 views

【撞樣】名牌手袋超似「拉打」Decade 相似度100%日本Twitter熱傳