專題熱話

送大禮結果公佈!《Far Cry 3》遊戲連非賣品Polo / Xbox 360遊戲套裝
by / on 06/07/2013 at 9:27 pm

送大禮結果公佈!《Far Cry 3》遊戲連非賣品Polo / Xbox 360遊戲套裝

恭喜以下得獎者!分別得到Xbox 360遊戲套裝及《Far Cry 3》遊戲連非賣品Polo,敬請於Facebook Inbox我們留低Email聯絡方法,以便通知領獎事宜,謝謝!另外,之前得到《Soul Sacrifice》製作人親筆簽名遊戲封套 + 非賣品Tote Bag + 手套 + 貼紙嘅兩位讀者,仲未Inbox我哋,再唔聯絡就再抽過喇!見字快聯!唔該晒!最後提一提,轉頭又有送大禮,留意!

Read more ›

本週爆Like圖集    高達吐氣揚眉   進擊之杜甫/蟹柳/巨喵……
by / on 06/07/2013 at 8:09 pm

本週爆Like圖集 高達吐氣揚眉 進擊之杜甫/蟹柳/巨喵……

又到星期六,唔駛睇字齋睇圖嘅「本週爆Like圖集」又出籠。今個星期高達吐氣揚眉,無論少女情懷嘅高達同埋香港時代廣場嘅高達展都勁多人like!不過進擊系仍然無得輸,進擊之杜甫、進擊之蟹柳同埋進擊之巨喵我本人都睇一次笑一次。今晚睇完爆like圖,聽朝起身一齊繼續進擊呀!雖然今集冇新劇情……

Read more ›
買完即玩即放棄 日本投選10大掉手掣遊戲
by / on 06/07/2013 at 3:41 pm

買完即玩即放棄 日本投選10大掉手掣遊戲

其實o依家成日有體驗版,而且遊戲資訊又多又有片睇,買錯遊戲中伏嘅情況應該比較少發生。但係諗番起以前,淨係靠game書幾幅圖睇完走去買game,就真係揩過唔少嘢。日本「mynavi」網站啱啱搞咗個投票,選出10大買完玩一陣就放棄嘅掉手掣遊戲,當中有《Biohazard》、《Dragon Quest VII》、《超魔界村》等,各有理由,之不過呢個投票只係有780人參加(而且有80幾個%人答未試過),公信力一般,不如你又講吓近期你有咩掉手掣遊戲?我講先,Wii U隻《ZombiU》,以為喪屍game衰極有譜,但我好似真係開過一次之後就原封不動……

Read more ›
日本愛喵有愛心 便利店店長變貓奴
by / on 02/07/2013 at 9:54 pm

日本愛喵有愛心 便利店店長變貓奴

日本人公認係愛衛生愛整潔嘅民族,相信冇人會反對啦。咁如果便利店有喵走入去,瞓喺啲熱飲櫃上取暖,典嚟典去啲毛甩到四圍係,又或者捐喺啲便當櫃入面嘆冷氣,再唔係留守便利店門外,等人出嚟衝入舖頭之餘,隨時呃番兩餐……日本人會點呢?會忍耐囉!會包容囉!呢個地球唔係淨係屬於人類嘅,點解我哋有權捉佢哋去殺?不如學吓啲店長,索性喺便利店旁俾個屋企佢哋,等啲貓變埋招財貓生招牌。其實,我樓下間士多隻貓超可愛,我都幫襯多咗呀!

Read more ›
新片速報 新作動畫《Gundam Build Fighters》變模型狂 10月放送
by / on 02/07/2013 at 12:10 pm

新片速報 新作動畫《Gundam Build Fighters》變模型狂 10月放送

人類總要犯同樣錯誤。之前神神秘秘嘅動畫新作《Gundam Build Fighters(ガンダムビルドファイターズ)》終於有片同機體、主角造型睇,睇完之後,你會發現都係走《Gundam Age》低年齡層風格,主角係私立聖鳳學園中等部1年生,襯番遊戲《Gundam Breaker》玩模型格鬥,以世界大會優勝為目標……即係歷代好多機體都會出現,不過係以模型身份現身,咁咪即係《模型狂四郎》?10月開始播放,由《Gundam Age》嘅長崎健司任監督,唉……

Read more ›
$590
by / on 02/07/2013 at 12:03 am

福利報價: Macross Set $590!要等飛機貨 怪獸大學多產品

    今個星期好唔開心! 當我落福利影玩具時, 竟然俾我見到仲有Macross Set! $590連寶貝鴨套裝! 因為我知道放得出嚟即係仲有貨, 邊影相邊同福E吹水, 點知電話響, 跟手就見佢將盒嘢收埋, 竟然係最後一隻俾人電話訂購, 竟然兜口兜面喺我面前消失, 我仲記得打Rainbow Six嗰時老友教我嗰句:「真係行慢啲都冇呀!」所以大家記得勤啲巡舖, 見到要即刻俾錢, 最緊要快快快唔好等下個禮拜!

Read more ›

京都弁慶食堂 任天堂總部製作團隊外賣熱點
by / on 01/07/2013 at 7:44 pm

京都弁慶食堂 任天堂總部製作團隊外賣熱點

日本網站報導,京都鳥羽街道站有一間「弁慶食堂」,外表冇乜特別,只係比較舊,但原來係任天堂京都總部員工嘅食堂,而且仲係自1985年開發《Metroid》開始!話說當時製作團隊忙到冇時間出去食午飯,但東山區總部旁邊嘅食肆都唔送外賣,就只有呢間「弁慶食堂」會送。老闆娘仲話當時佢哋會叫大量外賣,但佢哋冇可能一次過整得晒同送得晒,所以一整好就送一批過去……店入面仲有任天堂員工提嘅字,推介有咩好食喎。任記fans,去開京都旅行去食吓飯,隨時撞到岩田聰社長喎!

Read more ›
[深夜又突發] 1周年送大禮活動 Xbox360遊戲大放送 + 送大禮最後階段預告
by / on 30/06/2013 at 11:51 pm

[深夜又突發] 1周年送大禮活動 Xbox360遊戲大放送 + 送大禮最後階段預告

大獎出爐之前,繼續送啲免費遊戲俾讀者們放暑假玩!今次係香港Xbox贊助嘅《Halo 4》、《Gear of War Judgement》、《Forza Horizon》,都係嗰句,遊戲雖然出咗一排,但射擊又有、賽車又有,都叫份心意,未玩嘅玩家就不妨參加吓。遊戲將會分成兩份送出,一份2隻一份3隻睇彩數。仲有預告吓,1周年送大禮進入最後一星期,仲有《One Piece》、《Final Fantasy》香港音樂會門票加碼再送,另外亦有KEF流動充電器、藍光影碟,同埋大獎PS Vita紅機加3隻遊戲,呢幾日會送埋,越撐越多獎品呀!

Read more ›
本周Coser 北望神州玩癲啲 千夜未來
by / on 30/06/2013 at 8:48 pm

本周Coser 北望神州玩癲啲 千夜未來

今個星期日晚有啲特別,因為聽日係7月1日,放假,所以今晚可以玩癲啲!不過睇完都要早啲瞓喎,話知你幾號波,風雨不改呀!趁71回歸,我哋北望神州,呢個係大陸嘅Coser,名叫千夜未來(Senya Miku),睇相真係唔覺,原來佢只有160cm高,喺當地仲係人氣Coser嚟。不過唔知係咪我偏見,總係覺得佢有啲賣弄,但其實,我鍾意,循序漸進,由淺入深,咳唔。

Read more ›
$1,088
by / on 30/06/2013 at 12:04 pm

30/6精品報價: 老闆娘壽辰 GUNDAM FIX獨角獸/METAL BUILD EXIA喪劈

  細路仔時記得有英女皇壽辰, 無端端多日假真係不知幾開心, 回歸後再無呢支歌仔唱……好彩仲有精品, 噚日係精品老闆娘壽辰, 當然冇話大卸天下咁嚴重, 不過就攞咗GUNDAM FIX隻獨腳獸同METAL BUILD EXIA出嚟狠劈, 價錢分別係$1,088同$999; 原本只做一日, 不過店長阿MAN都知我嗰皮:「都知你出唔切0架啦! 咁我就做埋今日!」真抵錫, 下次打街機GUNDAM鬆返章俾你呀! 同埋順手祝老闆娘長命百歲、身體健康、食得又搵得!

Read more ›
結果公佈!《Final Fantasy》音樂會門票 /《Soul Sacrifice》製作人親筆簽名遊戲封套 + 非賣品Tote Bag + 手套 + 貼紙
by / on 30/06/2013 at 11:27 am

結果公佈!《Final Fantasy》音樂會門票 /《Soul Sacrifice》製作人親筆簽名遊戲封套 + 非賣品Tote Bag + 手套 + 貼紙

本來噚晚公佈結果嘅兩項送大禮活動,因為參加者眾多,所以延到今日先公佈結果,參加咗嘅朋友請留意!得獎者請到facebook Inbox聯絡方法,以便安排領獎事宜,謝謝參加!另外今、明兩晚都會有送大禮活動,大家要留意呀!

Read more ›

2013年7月出GAME時間表 [PS3 / Xbox / PC / Wii U / 3DS / PS Vita]
by / on 29/06/2013 at 10:01 pm

2013年7月出GAME時間表 [PS3 / Xbox / PC / Wii U / 3DS / PS Vita]

嚟到7月,任天堂終於吐氣揚眉,除咗3DS有隻等咗好耐嘅《逆転裁判5》推出,連封晒塵嘅Wii U都有3隻新game出,都啱嘅,任天堂咁多一家大細客人,放暑假無嘢玩點算好?另外PS3/ PS Vita隻橫向動作RPG《Dragon’s Crown》都有好多人等緊,咦,Index (Atlus)啱啱宣佈破產,會唔會搞到隻game延遲推出o架?好彩仲有隻《地球防衞軍4》可以玩,都唔啱心水?可以買返套Metal Gear Solid合輯翻煲,玩晒MGS 5就應該差唔多出o架嘞。

Read more ›
本週爆Like圖集   進擊原子筆畫 四肢發達版煤炭屎鬼 朝拜鬆弛神
by / on 29/06/2013 at 9:54 pm

本週爆Like圖集 進擊原子筆畫 四肢發達版煤炭屎鬼 朝拜鬆弛神

一連放三日假,真係從未如此精神過!本週爆Like圖,最受歡迎依然係進擊系,除咗神人用原子筆畫嘅《進擊之巨人》畫像,仲有連BB都被迫Cosplay嘅進擊之老母現身,不過我懷疑GameoverHK其實有好多女讀者(或者天生愛萌嘅男讀者),因為呢張朝拜鬆弛神同埋煤炭屎鬼呢兩張圖都勁多人Like,吖,仲有一個疑似Iron Man嘅蘋果‥‥‥呢個真係品味奇特,估你唔倒!加埋啱啱上咗兩日嘅《超人》女裝爆衫版,入嚟睇圖走字啦。

Read more ›
台場《One Piece》海上餐廳實況 山治現身 食惡魔果實
by / on 29/06/2013 at 3:55 pm

台場《One Piece》海上餐廳實況 山治現身 食惡魔果實

之前報導喺台場富士電視台7樓空中庭園嘅《One Piece》海上餐廳「ワンピースレストラン バラティエ」,噚日正式開幕喇,有日本網站就去咗現場影相,環境以「サバガシラ1號」為設計藍本,餐廳入面見到山治之外,仲會播放主角們嘅對話,而且啲食物個樣都幾好食,當中個惡魔果實甜品食咗唔知會變成點?

Read more ›
[深夜突發] 1周年送大禮活動 非賣品《Far Cry 3》Polo連遊戲3份 + 送大禮最後階段預告
by / on 28/06/2013 at 11:46 pm

[深夜突發] 1周年送大禮活動 非賣品《Far Cry 3》Polo連遊戲3份 + 送大禮最後階段預告

正所謂遲煲好過冇煲!呢隻Ubisoft贊助嘅《Far Cry 3》你應該玩爆咗啦?咁就啱喇,咁耐都應該唔記得咗,隻遊戲又可能放咗,翻煲啦……未玩嘅,免費有得攞嚟放暑假玩都唔錯!除遊戲外,仲會有廠方送嘅非賣品Polo一件,細細隻字喺心口,著出街都冇問題!玩法都係老規矩,Like完Share埋個post就搞掂!最後提一提,第一輪《Final Fantasy》「遙遠世界﹕來自最終幻想的樂章」交響音樂會門票送飛活動會延至聽晚公佈結果!另外《Soul Sacrifice》製作人親筆簽名遊戲封套 + 非賣品Tote Bag + 手套 + 貼紙都係聽晚有派彩!之後幾日,仲有《One Piece》音樂會門票加碼再送,仲有《Pacific Rim(悍戰太平洋)》優先場戲票、Xbox 360遊戲、KEF流動充電器、藍光影碟,同埋大獎PS Vita紅機加3隻遊戲會開放參加!記得多多支持呀!

Read more ›

本週人氣

7548 views

《銀魂》完結篇最後畫面 原來……

7056 views

Nintendo Switch Online遊戲列表 20隻經典周三有得玩

6352 views

日本長壽動畫聲優高齡化 列表中大量60歲以上

5921 views

新片速報 陳年街機合作幾打 《Capcom Belt Action Collection》網上連線

4756 views

理想與現實 日本宅男形象圖Twitter熱傳