專題熱話

今日開幕 池袋「Pokémon Center」全日本最大 排隊兩粒鐘入場
by / on 12/12/2014 at 7:56 pm

今日開幕 池袋「Pokémon Center」全日本最大 排隊兩粒鐘入場

上星期喺東京都港區海岸嘅Pokémon Center閉店,之後今日(12日),喺池袋「Sunshine City Alpa」2/F嘅「Pokémon Center Mega Tokyo」就開幕喇!據日本網民話,開店時要排一至兩小時先入到店,當然多數都係大人,因為好多小朋友o依家玩《妖怪手表》嘛。作為全日本最大嘅店舖,產品超多,好多精靈大師都捕獲大量小精靈去埋單……我見到呢張相,都想掉個精靈球出去呀!

Read more ›

新片速報 超人兄弟做騎師 怪獸賭馬仔 日本JRA超正宣傳片
by / on 12/12/2014 at 5:36 pm

新片速報 超人兄弟做騎師 怪獸賭馬仔 日本JRA超正宣傳片

之前報道咗今年日本JRA同《Ultraman》合作,仲會喺今個月22日至28日喺秋葉原搞「ウルトラ有馬記念@Akiba」活動,會展出5米高嘅「ウルトラ馬像」,仲有遊戲玩。仲有演幪面超人1號洪大龍嘅藤岡弘到場!日本官方啱啱有新片發佈,咸蛋超人變晒做騎師騎馬仔,而巴魯坦佢哋就走去賭馬,睇完條片你就知點解宇宙忍者要使出佢嘅分身絕技,都幾好笑。

Read more ›
【有片】括約肌之神 放屁奏出《Star Wars》黑武士音樂
by / on 12/12/2014 at 5:05 pm

【有片】括約肌之神 放屁奏出《Star Wars》黑武士音樂

係有啲核突,但如果係真的話,我又有啲佩服佢嘅括約肌。我唔知佢谷咗幾耐,但呢條片就可以收放自如咁奏出一段〈Imperial March〉,即係《Star Wars》黑武士出場首音樂!睇完條片之後,唔知用呢首音樂做鈴聲嘅朋友,電話響時會唔會諗起呢一幕……

Read more ›
可愛到爆 日本動物園 葵鼠排隊過木橋
by / on 12/12/2014 at 4:36 pm

可愛到爆 日本動物園 葵鼠排隊過木橋

日本「長崎バイオパークBio Park」除咗有出名嘅水豚浸溫泉睇之外,仲有呢個睇,葵鼠排隊過木橋!一隻隻排住過,前面嗰隻停,後面又跟住停,好守規矩,同日本人一樣。

Read more ›
睇見都痛!日本男裝內褲廣告 搖J耐力大考驗
by / on 12/12/2014 at 3:59 pm

睇見都痛!日本男裝內褲廣告 搖J耐力大考驗

嗱我咁樣推論,我作為男性,好鍾意睇Peach John小嶋陽菜一系列廣告,咁我諗,係咪女讀者都會鍾意睇男裝內褲廣告呢?呢系列廣告,令我知道男女相當平等,女嘅可以乳搖,男嘅都可以J搖,呢位男主角,為咗測試內褲嘅穩定性同堅韌度,不惜被風扇扇葉車埋去,又要承受摔角手嘅倒頭樁,最後仲出動兩名美女去引誘佢,實在犧牲太多太多喇……我睇見都覺得痛,個心離一離,不自覺地縮一縮。BTW,條內褲叫TOOT,嘩3,240円一條。

Read more ›
新片速報 冬眠戰隊!人型睡袋2014進化版 5隻手指有眼睛
by / on 12/12/2014 at 1:36 pm

新片速報 冬眠戰隊!人型睡袋2014進化版 5隻手指有眼睛

今日又凍喇,聽日仲係周末添,真係想全日留喺個被竇度唔起身!但我哋編輯就冇咁幸福,因為要爬起身寫news嘛……所以,我哋全個編輯部都對呢件產品好有興趣!呢個「人型寝袋フリース」,係2013年11月推出嘅新一代,名為「人型寝袋フリースX」!新款加入5隻手指設計,方便打字拎嘢,而且仲有眼睛位,但瞓覺嘅時候又可以加眼罩喎!後面臀部位置繼續有拉鏈,開大開細都唔駛除低佢!由加細碼至加大碼都有,價錢6800円至8800円,最緊要係有唔同色,等大家認得邊個係邊個嘛……最抵死係除咗有戰隊配色,仲會有黑色嘅怪人配色!嘰嘰嘰!

Read more ›

限制級口味 Ladybeard試著大熱開胸衫
by / on 12/12/2014 at 11:59 am

限制級口味 Ladybeard試著大熱開胸衫

早個星期,出咗個日本大熱嘅開胸衫惡搞圖集,呢件日本人氣開胸衫,據說只適合巨乳著上身,咁呢位「Ladybeard」就符合呢個條件喇。一向又水手校又三點式嘅佢,今次就喺Twitter發佈一系列著呢件開胸衫嘅圖,中間露出嘅胸部唔只大,仲有毛,好快引嚟超過2萬個Retweeted……食飽飯嘅你,入嚟睇相幫助消化啦,我都睇到有反應,個拳頭有反應呀!

Read more ›
中川翔子又咬嘢 今次係《勇者鬥惡龍》PS4
by / on 12/12/2014 at 11:44 am

中川翔子又咬嘢 今次係《勇者鬥惡龍》PS4

噚日應該有冇人拎咗新機?就係《Dragon Quest Heroes》部特別版PS4!相信都有啲機迷為咗呢隻遊戲出機啦?中川翔子有份幫遊戲角色做聲優,於是,佢噚日都擁有咗一部特別版機。咁有新玩具,佢又照慣例放入口,咬部機之餘仲含住史萊姆……

Read more ›
LEGO大神整食物   雞脾薯條有得睇無得食
by / on 12/12/2014 at 7:33 am

LEGO大神整食物 雞脾薯條有得睇無得食

唔講唔知,原來每年都有個叫FOODcember嘅活動,徵召各位LEGO大神舖啲唔同嘅LEGO食物相出嚟挑吓機,而啲食物就要係佢哋嘅國家名物,即係好似香港就係魚蛋、 雞旦仔之類。其中叫KOSbrick,真名Kosmas Santosa嘅呢位LEGO大神,整嘅食物就相當出色,有蛋糕,有雞脾薯條,不過呢啲係乜嘢地方嘅名物?

Read more ›
新片速報 過千萬點擊整蠱片 蜘蛛俠跌落街阿媽嚇爆
by / on 12/12/2014 at 7:21 am

新片速報 過千萬點擊整蠱片 蜘蛛俠跌落街阿媽嚇爆

唔係最新不過啱啱先睇倒,呢條片最近紅爆,10日已經有過千萬點擊,又係整蠱片,而且今次有蜘蛛俠,仲玩到好癲。事緣男主角夾埋個仔整蠱老婆,先叫阿仔著到蜘蛛俠咁款,然後同佢喺屋企嘅二樓玩,玩玩吓悲劇發生,阿爸居然唔覺意掉咗個仔落樓,阿媽發現即刻癲咗衝落去,最後發現‥‥‥樂極生悲大家都聽過,好彩無發生另一單命案。BTW,個男主角Roman Atwood係喜劇演員,難怪咁入戲。 

Read more ›
新片速報 呃like變遊戲 任成任務要儲like數
by / on 12/12/2014 at 7:06 am

新片速報 呃like變遊戲 任成任務要儲like數

每次舖完張相上網,都忍唔住睇實自己有幾多個Like?係嘞,你已經成為咗facebook奴隸,睇呢條片會好有共鳴。呢條叫Become a Social Star嘅短片,將平時呃Like行為變成遊戲,主角嘅命運就取決於佢儲倒幾多個like,越多like,任務嘅完成率就越高,入面仲有隻明星貓客串,貓喎,呃like能力梗係超強。

Read more ›

《Naruto》下年3月開演真人舞台劇 疾風傳又出PS4版
by / on 11/12/2014 at 10:29 pm

《Naruto》下年3月開演真人舞台劇 疾風傳又出PS4版

兩單新聞,首先,《Naruto》漫畫完咗,但下年除咗有新篇短篇連載,仲有新劇場版外,仲有真人版舞台劇!主角「うずまきナルト」由「松岡広大」演出,「うちはサスケ」就係「佐藤流司」演出,「春野サクラ」就係「伊藤優衣」,3月開演。另一單就係《NARUTO -ナルト- 疾風伝 ナルティメットストーム4》,又會推出PS4版,話畫面靚好多喎,2015年發售。

Read more ›
PS4正式殺入中國 龍圖案特別版主機 1月開賣2,899人仔冇區鎖
by / on 11/12/2014 at 9:16 pm

PS4正式殺入中國 龍圖案特別版主機 1月開賣2,899人仔冇區鎖

今晚(11日)係PlayStation喺中國嘅發佈會,主題係「一切為了玩家」,遲過Xbox One殺入大陸,但遲到好過冇。雖然對香港機迷影響不太大,但都八掛吓啦,主機會喺2015年1月11日推出,500GB主機售價係2,899人仔,另外仲會有PS Vita登場,一樣有龍圖案嘅主機,賣1,299人仔。講真心,我覺得條龍幾有型,而且據大陸傳媒講真係冇區鎖,咁似乎又贏對手少少。

Read more ›
揚威海外!《刺客教條》變抗日獵人 強國電視角色抄刺客
by / on 11/12/2014 at 8:05 pm

揚威海外!《刺客教條》變抗日獵人 強國電視角色抄刺客

唔,又嚟喇。今次係一套叫《獵刃》嘅電視劇,佢啲劇照一出,即時俾大陸自己加埋外國傳媒話佢啲角色造型抄足《Assassin’s Creed》。最奇趣係佢嘅背景係1937年至1945年間嘅抗日戰爭,而呢班主角包括陳冠霖、甘露、丁洋等全部都係青田縣石門洞嘅「獵戶」……咁我又想講句公道說話,其實今次佢哋唔算抄得好勁啦,不過,笠咗頂帽嗰吓,其實足以_出銀河系。

Read more ›
網圖分享:上班族的刻板日常
by / on 11/12/2014 at 8:00 pm

網圖分享:上班族的刻板日常

或者你同我一樣,睇完曾經為《衛報》、BBC、《經濟學人》等媒體作畫嘅John Holcroft呢組圖輯,心底會泛起一種莫名其妙嘅可悲可憐可嘆感覺。作為暫時有穩定收入嘅上班族,記住,只係餓又餓唔死、發達又無份、一世為樓為車做奴隸嘅上班族,並非得閒去Starbuck入咖啡嘅中產,日日就係過住如此這般的刻板生活,你都咪話唔Sad。面對朝不保夕嘅工作、上司一張張死老竇老母嘅乞人憎嘴臉、同事之間嘅勾心鬥角、電視機裡面幕幕警民衝突,我哋可以做嘅真係唔多,惟有日日拎住個手機,坐到籮柚同張凳融為一體,Loop吓Loop吓又過一日,唉,諗起都覺得慘呀……

Read more ›

本週人氣

12568 views

【有片】可愛到癲!「你點解嚟日本?」節目 日本網民狂讚16歲波蘭妹妹

7910 views

【有片】日本狂人搗亂Family Mart 網民:「激似《人中之龍6》!」

7348 views

我就是高達!舞台劇《機動戰士Gundam 00》角色登場

6858 views

日本網民自製「LED眼鏡」 發光效果勁似「碇司令」

6563 views

黃符遮三點 超性感殭濕子Figure