好正，本身係一個500円嘅LED燈，停電用啱晒，但慢慢拉開再配埋啲超級英雄電影風格音樂，成件事就好似Marvel奸角啟動邪惡力量嘅氣氛！

今日終於去咗「荒木飛呂彦原画展　JOJO　冒険の波紋」，嘩訂飛時冇留意今日係日本公眾假期，於是多人到炸開，不過都係正嘅！嚟緊10月5日繼續投入JoJo世界，因為動畫《ジョジョの奇妙な冒険 黄金の風》開播喇，而官方app都搞咗個「ヤバいキャラ大投票」，你記唔記得佢哋？  

日本廣島嘅「大久野島」(うさぎ島)又被稱為兔兔島，因為入面住咗超過7百隻野兔！之前都有唔少人去過朝聖，最近有網民分享咗呢張圖，原來佢捕捉到兔仔凌空跳起嘅瞬間，不過點解佢會有呢個動作呢？仲有旁邊隻兔仔都好可愛！

有時做義工唔一定要好忙先得，好似外國呢位75歲嘅貓義工Terry Lauerman最近就喺網上爆紅。佢每日都會去間動物收容物摸吓貓逗留3小時左右，好多時又會瞓吓晏覺，而啲貓就會爬上佢個身度一齊瞓，超冧！收容所Safe Haven Pet Sanctuary位於威斯康辛州嘅Green Bay，之前已經將Terry定為貓義工，最近將佢嘅事蹟放上網，之後勁多人討論，仲因為咁幫收容所籌到3萬蚊美金捐款，入嚟有多啲相同回應睇。

呢種2D黑白漫畫風格似層相識，日本漫畫迷應該好有共鳴，不過今次嘅發生地點係韓國。呢間位於弘大周邊延南洞嘅「CAFE 연남동239-20」，全店設計超特別，所有牆紙以至傢具都係黑白漫畫風格，置身其中就好似走咗入漫畫世界，打咭一流！店主話係受奇幻浪漫韓劇《W－兩個世界》所啟發，間店上年7月開業，最近日本多咗網民討論，下次去開韓國可以去打返個咭。

乜嘢叫大佬風範？日本有網民分享咗呢段影片，南喬治亞島嘅一隻企鵝昂起個頭行，旁邊就有條o靚頭耷耷咁跟喺旁邊，現場仲有大量企鵝仔聚集，超搞笑，入嚟有片睇。

喵星人感情好起上嚟真係可以好痴纏，好似日本網民呢兩隻喵，一齊坐一齊瞓，條尾仲要繞埋一齊，轉身嘅時候咪會郁唔倒？超可愛！入嚟有多啲佢哋嘅生活片段回帶。

貓奴又有藉口買嘢嘞！有日本網民分享咗呢個貓茶壼，外型係一隻喵，中間透明部份可以放一條魚，而啲茶葉就可以放喺條魚入面，等啲味道慢慢滲出嚟，個樣超可愛，amazon售價1158円，入嚟有link。買得呢個壼都知樓主係貓奴，佢養咗好多隻喵，唔知啲貓會唔會想玩個壼入面條魚呢？入嚟有多啲佢哋嘅相回帶。

相信一定係遊戲迷先諗到咁玩。最近喺Twitter有幾張圖，分別被po主形容為Level 1、Level 16同Level 32，最後那一張的防禦力應該超高，可以屌打Boss啦？

早兩日報導過日本網民用牙刷幫隻貓按摩，之後就見到好多日本網民跟機試嘞。睇片見啲喵個樣勁冧，原來啲人話牙刷嘅軟毛好似貓媽媽條脷嘅質感，所以幫佢哋用牙刷刷毛，就可以令佢哋重拾返媽咪嘅溫柔，好有愛呀！今晚刷完牙試吓先！

日本人啲手工藝係強嘅，好似呢位咁，之前已經好多紙皮模型佳作，今次佢就用咗Starbucks嘅幾個杯套，製成一隻飛蟲，而且仲係動畫《風之谷》入面嗰隻！

Granzella Inc.喺10月25日發售嘅《絶体絶命都市4Plus – Summer Memories》，睇嚟真係順利出得成喇，只要呢個月冇乜唔好嘅事發生。喺東京遊戲展現場有得試玩VR，都幾多人排，另外官方出咗新片之餘，亦有VR實機試玩影片再出！

有第2集喇，真人版電影《東京喰種2》啱啱出咗片，下年會上映，「金木研」繼續係窪田正孝，仲有演「月山習」嘅松田翔太，至於「霧嶋董香」，就會由山本舞香演出。因為清水富美加已經退出……o依家應該叫佢千眼美子。

好吸引呀！鍾意食魚子嘅朋友，見到呢幾張相應該會好肚餓。日本漫畫家分享咗佢住嘅酒店嘅早餐，可以自製「海鮮丼」，材料有大大量嘅魚子、三文魚同吞拿魚蓉等等，啲魚子好似唔洗錢咁可以任裝，好吸引！地點係北海道函館嘅酒店「ラビスタ函館ベイ」，有網民話呢度嘅風呂都超正，睇返資料，呢到嘅早餐好出名，有大量刺身任選，入嚟有回帶。下次去開附近可以考慮住呢間。

去開大阪好多時都會去埋呢個大型水族館「海遊館」，其中入面嘅企鵝仔好受歡迎，而當中有一隻特別嗲嘅，之前試過將過頭塞喺訓練員嘅大脾中間，超怕醜，成功喺網上熱傳。估唔到事隔兩年，佢依然都係咁嗲。啱啱海遊館放咗張新相，佢依然怕怕醜醜攝個頭入訓練員大脾，不過而家嘅佢高咗好多，再大個啲就塞唔到架喇。