之前都介紹過日本攝影師「古賀学」嘅水底過膝襪作品，搵囡囡著泳衣配過膝襪喺水底影寫真，估唔到中國原來已經有人將呢個概念商品化！仲要由「古賀学」發現再放上自己Twitter分享。對過膝襪用咗潛水衣物料，睇落幾性感，不過襟唔襟用就好難講嘞。賣緊人仔298蚊，「古賀学」自己就幾欣賞，網民嘅留言都好正面，話好想睇見有囡囡咁著，仲話如果係「古賀学」設計會更好。入嚟有得回帶睇返「古賀学」之前嘅水底作品。

一直覺得鹿仔好得意，除咗日本奈良有大量鹿仔，蘇格蘭都有好多。專影野生動物嘅外國攝影師John Betts呢輯雪地鹿仔相好高質，啱晒聖誕節。除咗鹿仔，佢仲有影大量動物，入去佢嘅IG有得慢慢睇。

好鍾意呢位日本攝影師KAGAYA嘅作品，佢拍攝嘅風景相超靚，喺Twitter好高人氣。最近佢就去咗岐阜縣同埼玉縣影秋冬嘅風景，池塘、紅葉、鯉魚，靚到好似一幅畫咁。入嚟有得回帶睇返佢嘅其他作品，全部都好正。

平時文具舖嘅釘書釘可以點應用喺模型方面？日本嘅田中達也就諗到用嚟做成高樓大廈，襯喺哥斯拉旁邊即刻勁有氣勢！呢位微型攝影師擅長將日常物品配合玩具拍攝，靚得嚟仲好有創意，喺網上超高人氣，而且每日都有新作品，噚日幫Pocky紀念11.11影嗰張都超靚，入嚟有回帶。鍾意攝影嘅朋友記住follow埋佢嘅Twitter嘞。

平時食完麥樂雞、巨無霸個盒原來可以咁有用！法國著名攝影師Philippe Echaroux用一個麥當勞盒、一支飲管再加支電筒，整咗個影相專用嘅補光器，然後再加部iPhone，用嚟幫唔同嘅人影相，出嚟嘅效果完全係大師級水準！入嚟有得慢慢睇。BTW，佢都有用VSCO、Photoshop FIX同Lightroom嘅手機App執相，全程靠部電話完成。好嘞，晏啲食完麥記可以留返個盒試吓。

日本嘅攝影題材真係好廣泛，今日開始東京有呢個女生腳掌寫真展(あのこのあしうら写真展)，攝影師湯澤祐紀影咗過百張相，全部重點都係女性腳掌，當然唔係淨係得對腳掌，仲會影到個人嘅。舉行地點叫Yellow House，每位入場收500円，但就要除鞋先可以參觀。展覽至到8月20日，學攝影師話，叫人除鞋影相其實都幾古怪幾困難嘅。

我諗好多人都想返工可以好似佢咁，有時間有閒情砌吓公仔影吓相。Derrick Lin喺廣告公司返工，佢經常會喺公司砌起唔同嘅模型場景然後影相，話咁做可以減壓，佢班同事都好支持佢，仲出埋力幫手。佢仲勁到將會喺10月推出相集《Work, Figuratively Speaking》，而家喺Amazon有得預訂。

精彩嘅相片不妨重溫，最近有日本網民喺Twitter整理咗大量錯體相，全部都係失敗作品，例如跳落水時上半身同下半身分開咗，又有唔知點解變咗連體嬰嘅相，全部都好異次元，睇完令人好不安。

作為香港人，睇到呢啲相應該好感觸，仲有啲憤怒。成日聽人講籠屋、劏房，但實際環境有幾惡劣？香港攝影師Benny Lam呢輯相令市民睇得深入啲，仲吸引到外國嘅《National Geographic》採訪。攝影師自己都話影完返到屋企忍唔住喊咗出嚟。用咗4年時間走訪超過100間舊居劏房，屋內尺寸由15尺去到120尺，睇完記得follow埋佢嘅facebook page「SOCO Trapped 侷住」，可以留言發聲、參加簽名運動、攝影比賽或者做義工。

有無試過夜晚經過遊樂場，見到入面嘅設施覺得有啲恐怖？日本攝影師Kito Fujio呢輯相「公園遊具記錄」好有驚嚇效果，佢夜媽媽走去唔同嘅日本公園影啲設施，之後再P吓圖tune吓啲光暗，出嚟嘅效果小朋友見到都會喊。

呢位專影貓貓拳嘅日本攝影師「アクセント」之前都介紹過，佢專影流浪貓跳躍的迅間，仲威到出書。最近佢嘅Twitter又有大量新作，呢隻3色貓輕輕鬆鬆做出9.9分嘅超高難度動作，加埋個虛無表情，型到呢。入嚟仲有多啲佢近期嘅新作品睇。BTW，班喵星人成日跳躍，但似乎仲係好肥美喎！

「戀足」有時都係情不自禁嘅，而且都唔駛怕醜，因為右邊呢兩張相最近喺Twitter好多人RT，即係代表其實好多貓奴都有戀足癖嘅。BTW，喵星人每隻腳仔都咁多肉，望見真係好想按下佢個肉球，好變態呀！入嚟有多啲呢隻喵星人嘅相睇，佢有另一個稱號叫「無重力貓」，之前我哋都報導過佢嘅跳躍相集，好有動感，難怪啲腳仔肉咁結實啦，入嚟有回帶。

日本呢位專影貓貓拳嘅攝影師アクセント 又出動！今次佢近距離一班流浪喵出拳嘅快、狠、準。好明顯個身比較長比較瘦個隻喵，跳躍能力明顯高強好多，旁邊嗰隻肚腩突突，似乎有啲疏操嘞。入嚟仲有佢今個月放上Twitter嘅貓拳相回顧。BTW，攝影師嗰本《のら猫拳》相集喺1月份已經出咗，盛惠1296円，有興趣嘅貓奴可以上Amazon買本支持吓。

大師級即係大師級，我哋去日本賞櫻好多時都會影吓相放上網呃like，不過呢個莫斯科嘅攝影師Kristina鏡頭下嘅櫻花就與別不同。由東京到大阪、京都、奈良，每張櫻花相都各有特式，靚到一個點，仲經常見到可愛嘅動物，入嚟有得慢慢欣賞。

  呢位玩具攝影師Mitchel Wu之前都介紹過，主打實時(Real Time)攝影，除咗影胡迪之外，其實佢都影好多Marvel角色，而且IG更新得好密。最近就有蟻俠、蜘蛛俠、美國隊長，連星戰同哥斯拉佢都啱，好明顯佢買好多玩具，入嚟有得慢慢睇。