Articles by: 爆炸哥

今日報價 《PS All-Stars Battle Royale》$358/Xbox360《Hitman Absolution》 $345
by / on 20/11/2012 at 5:58 pm

今日報價 《PS All-Stars Battle Royale》$358/Xbox360《Hitman Absolution》 $345

唔,呢兩日都係緊張美版Wii U嘅消息,不過都要睇吓啲新game嘅,PS3嘅大亂鬥《PS All-Stars Battle Royale》,誇廠商角色勁多,不過本地機迷反應好似麻麻,行貨賣$358;另外Xbox360版嘅《Hitman Absolution》行貨返貨,賣力345。我都係等下個星期隻《機戰》同中文版《刺客教條 3》先出手喇。

Read more ›

Monster Hunter出家電 燒肉枱燈電風扇
by / on 20/11/2012 at 5:37 pm

Monster Hunter出家電 燒肉枱燈電風扇

Monster Hunter將會同electroys合作,呢間公司之前都出過《EVA》嘅零號機風扇同就出嘅NERV總部噴濕器。而啱啱就宣佈咗出Monster Hunter嘅燒肉燈(2013年3月下旬,2,980円)、USB座枱風扇(2013年4月下旬,2,980円)同加濕器(2013年9月下旬,12,000円),有打開芒亨嘅,見到一定會心微笑。另外,同時都有盒蛋、砌圖等推出,其中3G幅海底砌圖,950塊,3,150円,幾正喎!

Read more ›
香港市場消息 Wii U 32GB炒到$6,000 大貨周末到
by / on 20/11/2012 at 5:19 pm

香港市場消息 Wii U 32GB炒到$6,000 大貨周末到

歐美好多用家都玩緊,香港機迷都對玩英文遊戲嘅美版機好有興趣。據市場實況報導,Wii U今日香港已到貨,32GB黑機賣到$6,000銀,都係擺多過賣,傳聞批發價都要4千幾,唔係講笑!不過!相熟舖頭老細就話星期五或六會有大批貨到港,到時32GB應該叫價4字頭,另外下個12月8日出嘅日版機貨量會較多,大家可以自己諗吓點搞啦!

Read more ›
兩款海報現身 農曆年睇周星馳《西遊‧降魔篇》
by / on 20/11/2012 at 4:44 pm

兩款海報現身 農曆年睇周星馳《西遊‧降魔篇》

周星馳,我成日見,每逢喺收費電視電影台見到有唐伯父呀、九品芝麻官呀、少林足球呀、凌凌漆呀,我都會翻睇或翻聽一次……終於,繼08年令我好失望嘅《長江七號》之後,佢套《西遊‧降魔篇》今日開發佈會,啱啱有兩張初版海報出,以佢嘅作品《西遊記》前傳故事為基礎,大陸農曆年上映,斷估香港都同期。到底周星馳會出幾多鏡呢?網上好多傳言,真係未明朗。

Read more ›
真人版《變態超人》開拍 「HK」為標題!
by / on 20/11/2012 at 3:23 pm

真人版《變態超人》開拍 「HK」為標題!

嘩!你哋有冇睇過《變態超人(変態仮面)》?即係一笠條女性底褲上個頭,就會有異於常人嘅能力,之後佢會爆晒啲衫,將自己條底褲兩邊扯上膞頭,而誇下嘅腐皮壽司,就係佢警惡鋤奸嘅最強絕招……呢套90年喺《少年Jump》連載、安土慶周原作嘅漫畫竟然會拍真人版!事源日本上緊嘅《Evangelion新劇場版:Q》放映前就有15分鐘預告,真人加CG變身!仲彈出「HK」兩隻字,不過應該唔關香港事,同埋未公佈主角陣容。

Read more ›
新片速報 貞本義行角色設計 平治新車拍動畫宣傳
by / on 20/11/2012 at 12:29 pm

新片速報 貞本義行角色設計 平治新車拍動畫宣傳

喺日本,咩都同動畫有關,咩都可以靠動畫宣傳,就算名牌如平治Mercedes Benz拍廣告,都搵嚟《Evangelion》嘅貞本義行拍住Production I.G製作動畫宣傳片!呢條片為宣傳全新A-Class下年1月喺日本推出,見到班底都知唔會流,6分鐘動畫講未來東京因交通擠塞問題而將道路同建築改建,每日唔同時段都會變型轉位,而主角們就喺呢個未來東京市揸住架A-Class飛車……

Read more ›

新片速報 Wii U網上功能畫公仔cap畫面求攻略
by / on 20/11/2012 at 11:59 am

新片速報 Wii U網上功能畫公仔cap畫面求攻略

Wii U歐美方面出咗啦,外國傳媒就梗係試到盡,而比較突出嘅就係今次加入完善嘅網絡功能Miiverse。外國傳媒試過話唔只PSN、Xbox Live嘅功能,佢個類似討論區嘅玩法先特別,你打打吓機遇到難題可以screencap,之後暫停遊戲放上專屬討論區,之後繼續邊玩邊等玩緊同一個遊戲嘅玩法回復。而且同一個遊戲中仲會分唔同關卡唔同討論位置,咁……香港玩家係咪又偏向美版講英好啲?

Read more ›
新片速報 PS Vita《鍊金術士托托莉Plus~アーランドの錬金術士2~》10分鐘介紹影片
by / on 20/11/2012 at 11:31 am

新片速報 PS Vita《鍊金術士托托莉Plus~アーランドの錬金術士2~》10分鐘介紹影片

PS Vita機主下星期有RPG煲喇,呢隻GUST旗下PS3嘅RPG遊戲將會喺11月29日推出PS Vita移植版《鍊金術士托托莉Plus~アーランドの錬金術士2~》,官方發佈咗10分鐘嘅介紹影片,PS Vita畫面依然好靚,會加入新敵人同新下載內容外,仲有服飾嘅調配,仲有極萌嘅泳裝添!

Read more ›
新片速報 EVA:Q × FUJI:Q列車內外睇盡
by / on 20/11/2012 at 10:01 am

新片速報 EVA:Q × FUJI:Q列車內外睇盡

呢幾日,係我人生中最後悔自己唔學好日文,讀好啲書,搵份好工,喺11月17日請定假買定機票飛過日本睇EVA……不過,誓去感情如何留得住?不如大家向前看,快啲籌備日本之旅,睇戲之餘去埋富士急!之前報導過去富士急樂園嘅電車會有EVA主題車,o依家有片睇,唔好以為初號機同2號機係兩架呀,只不過係一邊頭係初號機,另一邊係2號機,車廂有等身大綾波麗貼紙,仲有勁多海報,連扶手都寫住主角嘅名句……嗚!

Read more ›
食糖的藝術 森永牛奶糖 X 勇者鬥惡龍!?
by / on 19/11/2012 at 7:30 pm

食糖的藝術 森永牛奶糖 X 勇者鬥惡龍!?

森永牛奶糖,風味絕佳,滋養豊富,百年老字號,你食過未?《Dragon Quest》出到第10集,堪稱日本國民RPG,你玩過未?日本人創意無限,食糖都食得神過人,呢位叫Cencho嘅日本Twitter用家,就用軟糖砌咗呢隻《DQ》永遠的敵人「ゴーレム」出嚟,好sweet。

Read more ›
新片打孖 《One Piece ROMANCE DAWN 冒険の夜明け》奈美/烏索普篇CM
by / on 19/11/2012 at 5:09 pm

新片打孖 《One Piece ROMANCE DAWN 冒険の夜明け》奈美/烏索普篇CM

Namco Bandai喺12月20日推出嘅PSP動作RPG遊戲《One Piece ROMANCE DAWN 冒険の夜明け》,上星期開始一連6周有廣告出,繼索羅之後,今日就輪到奈美同烏索普,有動畫片有遊戲畫面,仲有可以聽埋TRIPLANE嘅主題曲《Eternal Waves》。遊戲普通版價格5,980日元,特別版主機同梱版19,780日元日元。

Read more ›

新片打孖《Monster Hunter》參戰《E.X.Troopers》!?
by / on 19/11/2012 at 4:58 pm

新片打孖《Monster Hunter》參戰《E.X.Troopers》!?

對唔住,又係呢隻PS3/3DS嘅《E.X.Troopers》,22日推出又有CM,本來唔想多講,但係片段最尾出現一個令人非常疑惑,耐人尋味嘅畫面……另外仲有一條係遊戲同日本眼鏡舖Zoff合作嘅宣傳片,遊戲入面個個戴晒眼鏡,動畫好靚,鍾意眼鏡娘嘅值得睇吓。

Read more ›
新片速報 Wii U開箱兼拆箱
by / on 19/11/2012 at 4:43 pm

新片速報 Wii U開箱兼拆箱

箱就一早開咗啦,日本任天堂社長自己開箱拍埋片。嚟到推出後第一日,又到拆機時間喇!每逢有新機推出,外國仲有媒體會拆散部機,睇吓佢裏頭嘅結構,今次仲拍埋片,如果你好想了解一下Wii U嘅內部結構嘅話,又或者你好憎Wii U,想睇住佢俾人逐件逐件拆開,入嚟睇吓,好殘忍o架。

Read more ›
Wii U紐約開賣盛況 孖寶兄弟撐場
by / on 19/11/2012 at 3:47 pm

Wii U紐約開賣盛況 孖寶兄弟撐場

啱啱美國時間18日零時,任天堂最新主機就正式喺美國開賣,之前都報導過有唔少人漏夜排隊,日本《Fami通》仲報導埋第一位買機者嘅實況,呢個喺之前已經抽中可以第一個買到Wii U嘅黑人機迷,仲買咗《New Super Mario Bro. U》同《ZombiU》兩隻遊戲,咦?我都係諗住跟呢兩隻喎!另外,同埋當然唔少得cos孖寶兄弟同薩爾達嘅機迷啦!歐美老任老細仲話多謝大家支持呢部由5歲至95歲都啱玩嘅主機……吓?咁96歲點算?要玩PS3?

Read more ›
3DS《閃電123 円堂守傳說》再延至今冬發售
by / on 19/11/2012 at 3:22 pm

3DS《閃電123 円堂守傳說》再延至今冬發售

本來已經由11月15日延期至11月29日嘅3DS合集遊戲《閃電123 円堂守傳說》,Level 5又要再宣佈延期,今次仲大鑊,未有確實日期,只係話今年冬季推出。遊戲會包括足球遊戲《閃電十一人》三集內容,亦會加入3D立體顯示功能,更可以同年尾發售嘅《閃電十一人 GO 2》連動,售價5,800日元。合集咋喎,出咗咩問題呀?又為咗精益求精呀?

Read more ›

本週人氣

17864 views

日本打機YouTuber Tenchim出圖 理想與現實的女Gamer

11437 views

《多啦A夢》中學時代圖日本熱傳     大雄玩伴各散東西

6840 views

十萬個激嬲女友的理由出Boardgame 情侶啱玩

6672 views

【有片】真心佩服!外國推出成人版「The Laygo Movie」

6334 views

日本超正扭蛋「機械臂袖套」     中二病患者啱用