Articles by: 尉遲一

雷公子搞電視節目《動漫人》 專訪澳門漫畫家陳文+戴鈺珺
by / on 11/01/2019 at 1:12 pm

雷公子搞電視節目《動漫人》 專訪澳門漫畫家陳文+戴鈺珺

港漫睇得多,澳門漫畫又有無興趣了解吓?澳門動漫玩協會長雷公子(Edward Loi),聯同電視台「澳視澳門」,搞咗個專訪澳門漫畫家的節目《動漫人》,暫時播出咗四集,訪問咗兩位澳門漫畫家陳文同戴鈺珺。話說陳文作品有《保安學園》同《街道》,細個喺飛髮舖接觸港漫,最鍾意《老夫子》入面嗰個長毛賊,亦鍾意睇《玉郎漫畫》,覺得用當時電視劇改編成漫畫呢條橋,好深入民心。戴鈺珺作品有以籃球為題材嘅《決殺時刻》,佢希望通過漫畫發掘自己潛能,自認極受充滿電影感嘅《火影忍者》啟蒙,所以畫風屬少年向熱血風格。呢個節目長播長有,值得大家睇睇,鍾意嘅,就撐一撐兩位澳門漫畫家嘅作品喇。

Read more ›

網圖分享:爆甲+拮喉嚨+扯甩面皮 生活日常之血腥意外
by / on 11/01/2019 at 11:00 am

網圖分享:爆甲+拮喉嚨+扯甩面皮 生活日常之血腥意外

唔知點解近排有鋪睇恐怖漫畫癮,熱烈推介暗黑系「ccmh_comics」,主題「生活日常之血腥意外」,包括──食魚蛋唔小心俾支竹籤篤穿喉嚨吊鐘、耕田掘泥鋤頭鋤爆腳掌、針拮穿舌頭、開樽蓋唔小心扯爆手指甲、俾極強黏力面膜扯甩面皮、爬牆失足俾籬笆篤穿男人最痛、唔小心一刀劈穿腳板等等等等。畫面唔算極度血腥,但畀到你齋睇都覺得好痛好痛嘅感覺,我睇到有少少打冷震。

Read more ›
Kit Man勁揪體金屬襟章 一套五個$300年宵有售
by / on 11/01/2019 at 9:30 am

Kit Man勁揪體金屬襟章 一套五個$300年宵有售

後悔之前無喺《勁揪體蚊型展》買勁揪體金屬襟章?唔緊要,Kit Man話嚟緊喺維園年宵市場86號檔有售,一套包「香港勁揪」、「HONGKONGER香港人」、「丟那媽」、「頂硬上」同「我撐廣東話」五個,賣$300,補購係時候。

Read more ›
Post《三國誌異》第二期相上網 送鄭健和x阿傑多畫板
by / on 10/01/2019 at 3:52 pm

Post《三國誌異》第二期相上網 送鄭健和x阿傑多畫板

正呀喂!有獎抽呀喂!家陣買《三國誌異》第二期,影張相掟上網幫手宣傳,之後寫兩句讀後感,再讚好面書專頁「Bookone壹本創作」,即有機會得到由和仔大人同阿傑多聯手砲製嘅簽名畫板一大張。截址日期1月15日23:59pm,名額一位,大家識做啦。

Read more ›
台灣扭汽球神人 20小時扭出超3D麒麟
by / on 10/01/2019 at 10:45 am

台灣扭汽球神人 20小時扭出超3D麒麟

睇完台灣國三生面書專頁「洪呆呆氣球工坊」,我都呆咗。普通婚宴用新郎新娘氣球公仔已經好小兒科,甚麼死侍、雷神、Iron Man等超級英雄亦難唔到呢個扭氣球神人;再升Grade,用汽球扭件真係著得上身嘅One-Piece裙亦得;再升多一個Grade,有呢隻花咗20小時完成嘅超立體麒麟,好巨形,雖然話係空氣,但一個人拎起都應該好甘頂。不過話時話,俗語有謂火麒麟周身癮,點解唔用紅色橙色或金色氣球扭嘅?

Read more ›
香港雙節棍總會招會員 送崔成安賀年利是封
by / on 10/01/2019 at 10:30 am

香港雙節棍總會招會員 送崔成安賀年利是封

劉萬梁師傅嘅「香港雙節棍總會」2019年招收會員,無論新加入抑或舊續會,都會送崔成安賀年利是封兩包,每包有10個利是封。而成為會員之後呢,更可以每包$20購買。好靚呀個利是封,有人送畀我就好咯。

Read more ›

中國Coser賢兒 逼爆Mon好Hot
by / on 10/01/2019 at 10:00 am

中國Coser賢兒 逼爆Mon好Hot

頂住呀,今日係周四,返埋聽日工就可以放假喇。知你家陣悶悶哋,兼口擘擘,不如睇吓Coser醒醒神。呢位中國Coser叫賢兒Sherry,好火辣,幅幅相都有種逼爆Mon感覺,睇完相,我有啲Hot。

Read more ›
袁家寶2019年做老闆 割愛40年港漫珍藏
by / on 10/01/2019 at 9:00 am

袁家寶2019年做老闆 割愛40年港漫珍藏

無聊瀏覽面書,驚覺袁家寶2019年做咗老闆,而所謂做老闆者,開網店割愛私人港漫珍藏是也。佢留言話「自己珍藏40年海量正版港漫」,既稱「海量」,即係大把貨啦。望相,珍藏反晒光包晒膠,袁家寶話有九成新,保證原裝正版,又謂「金報生報青報漫畫王乜都有」,睇嚟真係一個等住大家發掘嘅大寶藏。有興趣嘅,可以PM佢真接Deal,祝生意興隆呀喂。

Read more ›
暗黑指紋 x Physiojam推出Tee 每件獨一無二$480
by / on 09/01/2019 at 9:30 pm

暗黑指紋 x Physiojam推出Tee 每件獨一無二$480

「暗黑指紋」2019年第一砲,係聯乘扎染品牌「Physiojam」推出潮Tee,有紅黑同啡黑兩色選擇,Tee前面有指紋Logo,背面有「暗黑指紋」字樣。留意番,由於係逐件扎染,所以每件Tee都獨一無二,同埋經洗水處理,會有種淡淡古著味。講真望落都OK型,絕對可以著出街,每件$480,買Print買手藝,唔敢講話好抵,但合理。

Read more ›
Cuson豬年利是封開售 每套20個$50
by / on 09/01/2019 at 8:30 pm

Cuson豬年利是封開售 每套20個$50

留意番,今年Cuson係會繼續推出利是封嘅,圖案當然有怪叔叔本尊,同緊隻肥肥白白巨豬大覺訓中。大覺訓無嘢煩乜都唔使理,相信都係你我他2019年嘅共同願望,希望願望達成喇。每套20個$50,有興趣可以PM佢。

Read more ›
至Goal Club甘小文年曆卡  2019年繼續免費派發
by / on 09/01/2019 at 8:00 pm

至Goal Club甘小文年曆卡 2019年繼續免費派發

Good呀,「至Goal Club」秉承優良傳統,今年繼續派年曆卡,而年曆卡亦繼續搵甘小文賜圖印製,美少女戰士版肥婆四加哨牙珍賀2019年,醒神喇喂。一如以往,免費派發,咁當然,有幫襯的話成件事會更圓滿喇。

Read more ›

鐵寶奇盒玩雞蛋仔+格仔餅 黃金窩夫TinBot出場
by / on 09/01/2019 at 7:25 pm

鐵寶奇盒玩雞蛋仔+格仔餅 黃金窩夫TinBot出場

「鐵寶奇盒」推出嘅TinBot有得玩有得砌,係幾過癮嘅,我都買咗「老夫子」同「綠寶」呢兩款;而嚟緊,我打算買第三個「Golden Waffle」。照字面直譯,即係「黃金窩夫」,睇埋相,原來係疑似黃金俠聯乘格仔餅加雞仔蛋造型,配件有鐵Pan同一底已完成雞蛋仔,好鬼趣緻。黃金窩夫將會喺「Hong Kong Culture Exhibition」展出,展場叫「Streams Gallery」,同場仲有大把涉及香港文化嘅各類展品,大家有時間的話,不妨撐撐場。

Read more ›
一葉賓館Fans Club 會員證似鎖匙有辦睇
by / on 07/01/2019 at 3:00 pm

一葉賓館Fans Club 會員證似鎖匙有辦睇

之前報導話鄭健和乘住推新書《三國誌異》個勢,搞一葉賓館Fans Club,家陣會員證有辦睇喇。會員證都做得幾有心思,成條賓館房間鎖匙咁款,仲有大大個封先生Logo添。

Read more ›
2019年港漫第一砲 《司徒劍僑畫集》$300要搶
by / on 07/01/2019 at 1:28 pm

2019年港漫第一砲 《司徒劍僑畫集》$300要搶

呢本要買呀,我一定買呀,港漫2019年第一個重頭砲《司徒劍僑畫集》開訂呀喂!嚴選司徒劍僑入行35年以來十幾套作品,用今日畫風重新演繹一次,另加未曝光畫作,再送多張八仙道3D立體畫,每本$300,留意番,限量400本,要搶架。未講完,更更更重頭砲嘅有尊貴手繪版《司徒劍僑畫集》,附邱福龍聯乘司徒劍僑聯手繪畫印刷畫板一幅,每本有獨立編號,盛惠$2888,限畫35本,更加要搶。

Read more ›
有片:DJ Soda峇里曬身材 食薯片好Sexy
by / on 05/01/2019 at 11:00 am

有片:DJ Soda峇里曬身材 食薯片好Sexy

家陣香港天氣仲係陰陰凍,極需要睇番啲Hot嘢暖暖身,DJ Soda幫到你。話說佢呢幾日去咗峇里Ayana嘅Kubu Beach Club,陽光海灘下戲水,大Sell激突身材,有相有片大家可以慢慢睇。人靚Body正,連食薯片都Sexy過人,好難唔畀個Like佢。

Read more ›

本週人氣

14487 views

日本怕凍貓坐太近暖爐 貓鬚鬈晒好可憐

11641 views

【日本投選】動畫史上最強機械人 第1位果然係佢!

9466 views

本名再現!25歲三上悠亜出圖回憶成人式

9386 views

睇咗未?36歲深田恭子新日劇開播 網民截圖話好可愛

6759 views

【有片】全100期《Gundam MS Bible》 每期一機體超詳盡介紹