Articles by: 尉遲一

南記 x Tiny微影 推40週年Hiace送貨車$69
by / on 17/01/2019 at 7:31 pm

南記 x Tiny微影 推40週年Hiace送貨車$69

食過三兩次「香港仔南記粉麵」,感覺尚算抵食夾大件,食物唔覺好特別,叫做啱口味咁喇;但呢架聯乘「Tiny微影」推出嘅香港仔南記40週年Hiace送貨車呢,我卻極有興趣,因為我有鋪儲車仔癮。大黃主調色,係槍眼嘅,標榜有真車拉花咁話喎,每架$69,值得成為我飾櫃一員。

Read more ›

「奶茶通俗學」揮春組合$68
by / on 17/01/2019 at 9:00 am

「奶茶通俗學」揮春組合$68

大家買咗揮春未?未的話,可以考慮「奶茶通俗學」推出嘅揮春組合,祝福語有「常滿」、「發過豬頭」同「飲飽食醉」,異常啱聽啱睇,一套三款$68,可以一撐。

Read more ›
「四格好波(IC足球部)」送揮春 公開徵祝福語
by / on 16/01/2019 at 11:45 pm

「四格好波(IC足球部)」送揮春 公開徵祝福語

過新年,唔少人都會揮春、利是封或賀年卡之類,面書專頁「四格好波(IC足球部)」都係送揮春,不過就送得過癮啲,公開徵求祝福語內容,甚麼「食極唔肥發達唔奇」、「場場Cleen Sheet」等等,你諗得出而面書負責人又覺得有趣的話,就會幫你印製兼送埋畀你。如果畀我諗的話,我會要「迪基亞好波」、「曼聯必勝」、「紅魔無敵」……好明顯,我係一個曼聯躉。

Read more ›
009《新年與瑞獸同遊》展覽 時代廣場的瑞獸浮雕
by / on 16/01/2019 at 11:10 pm

009《新年與瑞獸同遊》展覽 時代廣場的瑞獸浮雕

今個禮拜要過銅鑼灣走番轉,事關009喺時代廣場搞咗個《新年與瑞獸同遊》展覽,地面有半浮雕神獸,二樓中庭有巨型立體旋轉木馬式神獸模型,全部都係打卡位。認唔到邊隻神獸打邊隻神獸?009有本小冊子,詳細列明麒麟、玄武、貔貅等等神獸名字。本小冊子製作好精美,我想儲。

Read more ›
Post《三國誌異》第三期相上網 送鄭健和x阿傑多畫板
by / on 16/01/2019 at 6:46 pm

Post《三國誌異》第三期相上網 送鄭健和x阿傑多畫板

好事成雙!唔好畀佢停!繼第二期後,《三國誌異》第三期繼續有獎抽。老例,買完書影張封面相掟上網幫手宣傳,加兩句讀後感,再讚好面書專頁「Bookone壹本創作」,就有機會得到由和仔大人同阿傑多聯手砲製嘅簽名畫板一大張。截址日期1月22日23:59pm,名額依舊得一位,唔知我會唔會係幸運兒呢?

Read more ›
《香港漫畫三七面》多漫畫座談會 Tubbyfellow畫揮春
by / on 16/01/2019 at 4:19 pm

《香港漫畫三七面》多漫畫座談會 Tubbyfellow畫揮春

《香港漫畫三七面》格展開展第一日,我已經捧場,Man僧幅超巨型壁畫固然係打卡位,「奶茶通俗學」啲食物插圖都好Sharp醒,Felix Ip啲重機系插畫又係無得頂,黎達達榮嘅漫畫就更加要慢慢嗒喇。多嘢睇,加插嘅漫畫家座談會亦唔可以錯過,包括阿塗聯乘Eric Chow嘅「插畫審醜觀」、崔氏兄弟聯乘細Y嘅「漫談食漫」,仲有Tubbyfellow即席畫揮春添。仲有仲有,睇完展覽,記得落埋樓下精品部掃貨,精品有新有舊,總有一款啱你心水。

Read more ›

彩美旬果懷緬成人式 靚靚和服Look示人
by / on 15/01/2019 at 10:53 pm

彩美旬果懷緬成人式 靚靚和服Look示人

每年一月第二個周一係日本一年一度嘅「成人式」,日本女仔都會扮到花姿招展行出街,以示自己係成人,開始人生新一頁。剛宣佈引退嘅彩美旬果今年已經25歲,都湊吓熱鬧著到靚一靚逛街,仲話對自己嘅成人式已經無乜記憶,當年亦無特登影相紀念。唔緊要,家陣佢喺Twitter放番輯新相,可以懷緬吓兼補番數囉。

Read more ›
Hong Kong Movie x No Paper Studio 送港產片角色利是封
by / on 15/01/2019 at 10:30 am

Hong Kong Movie x No Paper Studio 送港產片角色利是封

家陣利是封再唔係紅紙一張咁簡單,已升格到精品級別,就好似面書專頁「Hong Kong Movie」聯乘另一面書專頁「No Paper Studio無紙用」推出嘅利是封咁,用歷年港產片經典角色做圖案,加多兩句祝福語「祝你哈皮扭耳丫」同「我真係恭喜你呀」,咁鬼正,真係收到都未必捨得撕爛佢,未結婚嘅都想買番疊好好收藏。想要?都係讚好加玩問答遊戲再加抽獎咁喇,自己識做喇。

Read more ›
螢點 x Tiny微影 推出《港漫景搜》著色版明信片
by / on 15/01/2019 at 9:30 am

螢點 x Tiny微影 推出《港漫景搜》著色版明信片

有無撐張君豪畫集《港漫景搜》?嗰種精雕細琢係咪睇到你嘩嘩聲先?嚟緊螢點會再聯乘Tiny微影,推出港漫景搜Postcard,一套六款,推出日期未定。不過講明先,Postcard係由《港漫景搜》裡面抽出六幅畫製作,但重點係──彩色印製!呢鋪正呀喂!

Read more ›
風塵三俠漫畫原稿展 首展橫刀雕像打卡
by / on 15/01/2019 at 9:00 am

風塵三俠漫畫原稿展 首展橫刀雕像打卡

死火!上個禮拜Miss咗「風塵三俠漫畫原稿展」添,好彩嚟緊禮拜六日仲可以補飛。風塵三俠者,馮志明、司徒劍僑同栢迪是也,三位香港漫畫家手畫有幾掂,相信唔使多介紹,家陣仲要係原稿展,真跡呀喂,並唔係複製印畫,大家更加要撐。另,同場會首次展出太歲傑作新版橫刀雕像,到時記得打卡,報告完畢。

Read more ›
沈西城《武俠世界》停刊 李志清作告別圖紀念
by / on 14/01/2019 at 10:00 pm

沈西城《武俠世界》停刊 李志清作告別圖紀念

老實,我唔係《武俠世界》讀者,頂盡只揭過三兩次,我老爸嗰輩先係,但對於一本有60年歷史嘅老牌武俠雜誌停刊,喺2019年1月15日實體書又少一本,實在惋惜。總編沈西城喺面書親自宣佈消息,並謂:「沒傷感,只有黯然。今年七十一,也該歇歇了!」為此,漫畫家李志清親作手繪告片圖一幅以作紀念。呢期,要買,我會買。

Read more ›

《武俠世界》於1959年4月1日創刊。
by / on 14/01/2019 at 9:15 pm

撐「童年系列」第四彈!《童年同渡》暫定2月出版!

繼《童年同學》、《童年同樂》同《童年同閱》後,「童年系列」第四彈《童年同渡》將會喺2月出版,今次唔Sell懷舊,話想用「親子」同「溫情」呢兩個元素打動讀者喎。從剛剛釋出嘅封面睇,參與作者有吳俊軒、Martin Lau、張君豪、湛紀恆、Toby Yeung、白水、阿柱同Jackson Ng,繼續大堆頭風格,斷估總有一個古仔啱你睇。請支持本地創作,買本捧吓場。

Read more ›
35歲蒼井空有喜 懷6個月雙胞胎
by / on 14/01/2019 at 8:45 pm

35歲蒼井空有喜 懷6個月雙胞胎

35歲已退役AV優蒼井空有咗!有咗乜?雙胞胎呀,佢個DJ老公NON果真有心有力,一砲雙響羨煞旁人。蒼井空親自喺Twitter公佈懷孕消息,話腹中塊肉已經有6個月大,仲登咗幾張腹大便便嘅相片添,相中嘅佢笑容燦爛,幸福滿瀉,恭喜恭喜。

Read more ›
邱福龍《山海逆戰》出兩個新春孖寶版 送年曆海報
by / on 14/01/2019 at 8:04 pm

邱福龍《山海逆戰》出兩個新春孖寶版 送年曆海報

過年氣氛越來越濃厚喇,我多麼渴望豬年快啲來臨……嗯,入番正題,邱福龍《山海逆戰》今年會一連推出兩個新春孖寶版,第113+114期喺1月31日出版,第115+116期喺2月15出版,即係話年廿六睇完,就要等到大年初十一先有新一期睇喇。而首個孖寶版呢,會隨書附送2019年曆大海報一張,Size係36.5cm x 54cm,想擁有無摺痕嘅直版海報呢,就要幫襯「收藏家港漫專區」喇,大家備忘喇。

Read more ›
地盤佬江湖出WhatsApp Sticker+利是封
by / on 11/01/2019 at 7:40 pm

地盤佬江湖出WhatsApp Sticker+利是封

又有過癮WhatsApp Sticker推介,今次到面書專頁「地盤佬江湖」出場,公仔簡單對白啱聽。另,就嚟農曆新年,佢哋都順勢推出利是封,有「我真係恭喜你呀!」、「橫財就手」、「年年爆肌」、「朝氣勃勃」、「係利是呀恭賀新禧」五款,各每包10個售$38。支持吓本地創作,未買利是封嘅,不妨考慮吓。

Read more ›

本週人氣

14579 views

日本怕凍貓坐太近暖爐 貓鬚鬈晒好可憐

11853 views

【日本投選】動畫史上最強機械人 第1位果然係佢!

9493 views

本名再現!25歲三上悠亜出圖回憶成人式

9424 views

睇咗未?36歲深田恭子新日劇開播 網民截圖話好可愛

6770 views

【有片】全100期《Gundam MS Bible》 每期一機體超詳盡介紹