Articles by: 尉遲一

你已經死了! 《北斗之拳》x Seiko紀念手錶
by / on 19/02/2019 at 10:52 pm

你已經死了! 《北斗之拳》x Seiko紀念手錶

原哲夫《北斗之拳》35週年,聯乘Seiko推出紀念手錶,最正斗當然係暗紅錶面上面個拳四郎喇,由原哲夫親手繪畫,有標字嘅刻度只有頂頂「XII」,黃色,配埋同樣係黃色嘅七個傷口,啪啪啪啪啪啪啪,我彷彿聽到把聲話:「你已經死了。」每隻44800日圓,限3500隻,每隻錶底有由0001-3500嘅獨立編號,Fans必儲。

Read more ›

日本赤十字社x《工作細胞》 捐血送座檯月曆
by / on 19/02/2019 at 9:00 pm

日本赤十字社x《工作細胞》 捐血送座檯月曆

日本乜都可以同動漫扯上關係,今次有日本赤十字社同大熱漫畫《工作細胞》合作,由2月25日起,去指定捐血站捐血,頭15000位捐血者就可以得到座檯月曆一個。望相,月曆製作好精美,好想要。捐血可以救人一命,大家應該多多支持,唔知我哋特區政府幾時可以效法吓呢類宣傳方法?

Read more ›
Milk DoNg《凶案現場原畫展》1.5 開寵物派對
by / on 19/02/2019 at 8:45 pm

Milk DoNg《凶案現場原畫展》1.5 開寵物派對

之前欣賞過Milk DoNg嘅《凶案現場原畫展》,畫固然畫得靚,睇完亦感觸良多,全個地球最唔應該生存嘅生物,絕對係我哋人類。嚟緊,Milk DoNg會舉辦多個《凶案現場原畫展》1.5,主題係「寵物派對」,屆時有DJ分享養狗心得、寵物面相學、寵物旅遊講座同最最最最重要嘅──領養專區,有時間不妨捧場。另,專頁換咗大頭貼照,Milk DoNg以「無眼睇」造型出現,我覺得好型,講完。

Read more ›
網圖分享:元宵節2019
by / on 19/02/2019 at 8:18 pm

網圖分享:元宵節2019

時間過得好快,過完情人節無耐,又到農曆元宵節喇,大家有無落街望吓月亮猜吓燈謎咁呀?睇賀圖,感受吓過節氣氛喇。

Read more ›
奶茶通俗學x香港重機=機動變形常餐?
by / on 18/02/2019 at 11:30 pm

奶茶通俗學x香港重機=機動變形常餐?

崔氏兄弟扯頭纜嘅面書專頁「奶茶通俗學Milktealogy」,將聯乘超多產兼超多搞作嘅Felix Ip,搞一個名為「機動變形常餐」嘅合作項目,究竟係出畫集?出機械人定點?暫時未知,但正正常常一杯奶茶同香港重機都可以Crossover,我有啲期待呢個茶餐喎。

Read more ›
邱福龍《公式設定集》開訂 角色/異獸/兵器設定一覽
by / on 18/02/2019 at 11:15 pm

邱福龍《公式設定集》開訂 角色/異獸/兵器設定一覽

有朋友批評邱福龍《山海逆戰》有啲失色,我一百個唔同意。一,我覺得故事仲Run得幾好睇,角色刻劃得幾立體,偶爾灑吓鹽花玩吓鐵路人充當路人甲,有驚喜喎;二,齋睇畫功已經喺番度,廿皮,淨係買嚟聞封面都抵,你估啲角色同異獸造型易度架?如果你都鍾意邱福龍手筆,咁呢本《公式設定集》一定要買,一書在手,角色、異獸同兵器設定一覽無遺,一書一立體畫$80,有尊貴金版同紀念銀版兩個選擇。另有複製原稿豪華版,連3D立體紀念卡同證書,$180。「收藏家港漫專區」開訂,報告完畢。

Read more ›

十萬個激嬲女友的理由出Boardgame 情侶啱玩
by / on 18/02/2019 at 10:28 pm

十萬個激嬲女友的理由出Boardgame 情侶啱玩

我睇到嘅係商機,面書專頁「十萬個激嬲女友的理由」受港仔港女歡迎,受歡迎到出Boardgame《十萬個激嬲女友的理由-花式自殺》,可容納4至8人玩,即係最多四Pair情侶一齊玩喇,平均半粒鐘玩完一鋪,每盒$180。官方咁樣宣傳:「古語有云︰遇上對的人,日日都可以係赤口。如今,你有一個學習的機會。『十萬個激嬲女友的理由』正式授權,體驗口賤的快感,置身盛怒的心情,令你又愛又恨的桌上遊戲!」情侶們有必要買番副傍身,想嗌交?玩番局消消氣喇。

Read more ›
上官小威澳門插旗 開港漫專區賣書
by / on 15/02/2019 at 6:36 pm

上官小威澳門插旗 開港漫專區賣書

上官小威呢一兩年係咁復刻港漫,而為方便澳門讀者,佢專誠喺澳門新埗頭街開咗個「小威港漫專區」賣書。所謂專區,估計只係某地舖闢一角Sell漫畫,斷估唔會係好大規模,但總算係一個固定點,對於推廣港漫嚟講,絕對係一件好事,值得鼓掌。

Read more ›
牛佬《古惑仔》有感動位 韓賓陳浩南冰釋前嫌
by / on 15/02/2019 at 4:13 pm

牛佬《古惑仔》有感動位 韓賓陳浩南冰釋前嫌

話睇到喊就誇張咗,但睇完今期第2209期《古惑仔》,確實有少少感動,證明牛佬刻劃角色性格嘅功力寶刀未老。今期講韓賓終於知道陳浩南爭龍頭苦衷,韓賓打完陳浩南,質問對方有無當佢係好兄弟,陳浩南話有。韓賓臨尾補多句:「你陳浩南──永遠都係洪興嘅老頂。」兩兄弟冰釋前嫌。睇到呢個位,唔係吹水,我真係有少少起雞皮嘞,咁咪好囉,相信唔少讀者都同我同一個諗法,話晒做咗二千幾期兄弟,無理由咁樣反面架?家陣和好如初,一天光晒。

Read more ›
海報師畫廊2月16日結業 趕快打卡
by / on 14/02/2019 at 11:27 pm

海報師畫廊2月16日結業 趕快打卡

歡樂時光過得特別快,又係時候講拜拜,阮大勇喺面書開Post,親證海報師畫廊於2月16日結束,原因係「租約已屆滿,因時間有限未能親力親為,故此作出决定,並不情願下结束」。去過嘅,不妨去多趟買多件作品支持吓;未去過,趕緊機會打個靚卡,同偉大的海報師影張相,Say個拜喇。

Read more ›
網圖分享:2019情人節賀圖
by / on 14/02/2019 at 8:48 pm

網圖分享:2019情人節賀圖

今晚有女者盡皆水魚,食餐飯、買紮花,下下都千千聲,有時大可如此想:其實自己一個更開心,只等你睇──睇情人節賀圖喇。

Read more ›

綠燈俠定Iron Man? 原來係台灣鹽水護庇宮千里眼
by / on 12/02/2019 at 10:15 pm

綠燈俠定Iron Man? 原來係台灣鹽水護庇宮千里眼

綠燈俠?Iron Man?太極俠?定八卦俠?統統唔係,佢係中國傳統大神千里眼,即係你是但揀一間天后古廟行入去,都會見到孖住順風耳戙企兩邊嗰個神祗。而呢個造型咁前衞嘅千里眼,係台灣台南市鹽水區鹽水武廟陀地,此廟又叫鹽水護庇廟,有說始建於1668年,有351年歷史,家陣多咗個21世紀守廟大神,唔知會唔會更加靈驗呢?

Read more ›
要搶!消費滿$88送Q版麒麟劍!
by / on 12/02/2019 at 9:15 pm

要搶!消費滿$88送Q版麒麟劍!

又有嘢送,今次真係要搶!現凡幫襯「收藏家港漫專區」滿$88,即送紅運當頭Q版麒麟劍一大把,限量38把送完就無,另有利是紅包任攞,大家識做喇。

Read more ›
網圖分享:《銃夢:戰鬥天使》Alita
by / on 12/02/2019 at 8:53 pm

網圖分享:《銃夢:戰鬥天使》Alita

未睇《銃夢:戰鬥天使》,但打算會捧場,而入戲院前,我會欣賞埋呢幾張畫作先,睇戲Mood應該會更Good。Alita,等我呀。

Read more ›
爆煉RX——「紅.系列」Figure開訂 $898限量10隻
by / on 11/02/2019 at 10:15 pm

爆煉RX——「紅.系列」Figure開訂 $898限量10隻

之前報導過面書專頁「獅子山羊」將會推出爆煉RX——「紅.系列」Figure,依家鐵定優先推出十隻並開始認購,認購以抽籤方式進行,留言後專頁會俾個Number你,之後會喺2月14日作面書直播抽籤。講番隻Figure,爆煉RX屬短篇漫畫《My Heros》角色,今次玩Q版造型,高24cm,全身閃令令,紅到燦晒眼,每隻$898,要搶!阿傑多更為此作畫一幅,又係要讚啫。

Read more ›

本週人氣

17864 views

日本打機YouTuber Tenchim出圖 理想與現實的女Gamer

11437 views

《多啦A夢》中學時代圖日本熱傳     大雄玩伴各散東西

6840 views

十萬個激嬲女友的理由出Boardgame 情侶啱玩

6672 views

【有片】真心佩服!外國推出成人版「The Laygo Movie」

6334 views

日本超正扭蛋「機械臂袖套」     中二病患者啱用