Articles by: 尉遲一

《古惑仔》送潮爆貼紙 No輝唔係斷咗手咩?
by / on 02/03/2018 at 8:00 am

《古惑仔》送潮爆貼紙 No輝唔係斷咗手咩?

今期第2109期《古惑仔》繼續送潮爆貼紙,構圖係陳浩南坐梳化煲煙,後面有大大個寫住「義」字嘅匾額,整體構圖係型嘅,要讚係咁細張貼紙,南哥五官都可以畫得咁清楚,製作一啲都唔馬虎。另,睇完今期,除擔心洪興楊思樂會唔會俾察拉搞正外,我仲有個疑問,雖然唔記得斷咗邊隻手同因邊鑊大戰搞到斷手,但三聯No輝唔係斷咗隻手嘅咩?今期講佢同佐敦、九尾狐同藍鯨打牌,一格畫左手揸住一對碰唔出嘅二筒,另一格見右手完整無缺,唔通我記錯?定之後有交代過佢駁番隻手我唔記得咗?記錯勿插!

Read more ›

童年崩壞 當Barbie有米芝蓮大肚腩
by / on 01/03/2018 at 7:14 pm

童年崩壞 當Barbie有米芝蓮大肚腩

悶悶哋,不如搵啲刺激眼球嘅嘢睇睇,面書專頁「Trophy Wife Barbie」睇到我都大埋,有無想像過Barbie米芝蓮咁大個肚腩?無禮貌豎起中指?飲醉酒攬住馬桶嘔?心口兩團肉扁塌塌?點解Barbie會搞到通牆血?堪稱童年崩壞到一個點。喺呢輯咁Cult嘅相片裡面,Barbie依然保持一貫可愛笑容,其實呢下先係最詭異。

Read more ›
有片:Piko太郎 x 桃色幸運草Z《Vegetable》 我聽咗啲乜?
by / on 27/02/2018 at 9:09 pm

有片:Piko太郎 x 桃色幸運草Z《Vegetable》 我聽咗啲乜?

蘋果菠蘿加支筆,一首《PPAP》唱紅Piko太郎,最新添食作《Vegetable》歌如其名,唔玩水果玩蔬菜。將番茄薯仔香芹加南瓜無限Loop無限唱,Piko太郎同一套衫,同一副眼鏡,同一個表情,同一種唔知乜舞步嘅舞步,不過就聯乘咗組合桃色幸運草Z一齊拍MV,五顏六色有女睇叫養眼好多咁喇。至於歌曲本身咯喎,嗯……歌詞多咗變化旋律亦複雜咗,但效果反而唔及《PPAP》咁洗腦囉,我都係嗰句──我究竟聽咗啲乜?

Read more ›
謝志榮想出水墨畫集 一人一句留言鼓勵唔該
by / on 27/02/2018 at 1:39 pm

謝志榮想出水墨畫集 一人一句留言鼓勵唔該

無聊瀏覽面書,睇到謝志榮幾日前出咗個Post,講佢有一個新年小願望,願望係2018年出一本個人水墨畫集,但因成本問題,心底裡十五十六,猶豫未決,原文係咁:「……早在兩年前開始計劃,邊學邊做,直至有兩位本地資深出版界人士,異口同聲的勸說:『高風險!』他們一個是書籍發行社倉務主管,一位是書刊總編輯,深知甚麼書買得與不買得。因此,這不是一般人能承擔的事情,莫問回報地投放心力和金錢。但是…連李志清和阮大勇老師都為我寫了序,只怕未能夠壓止自己這個任性的…..願望!」怕乜?我去過畫展睇過謝志榮水墨真跡,手畫絕對見得人喎!我自己就好Like嘞;任性?想做唔做,先係大遺憾呀。既然序都寫埋咯,點解唔出書呢?喺面書做足宣傳先決定印數得唔得?眾籌又點睇?Fine,不如我哋一齊留言畀謝志榮,一人一句鼓勵吓佢喇。咁當然,如果真係出得成書,大家記得實際課金支持喎,真心Mode,努力加油呀。

Read more ›
記得打卡 《Project 72》畫展作品現身中環街市
by / on 27/02/2018 at 1:06 pm

記得打卡 《Project 72》畫展作品現身中環街市

曹志豪剛剛報料,唔知仲要重建幾耐嘅中環街市地盤,以圍板作展板已經一段時間,今次就以香港情懷為主題,選咗《Project 72》畫展其中三幅作品展出。睇相,暫時認到有曹志豪幅「七層舊樓+飛機欖」同埋張君豪幅「果欄」,第三幅就認唔到嘞。作品變到人咁高咗,我諗視覺效果一定更震撼,大家行開嗰頭,記得打卡呀。

Read more ›
有片:春麗變巨人嬲嬲 唔踢腿都走光
by / on 26/02/2018 at 8:00 pm

有片:春麗變巨人嬲嬲 唔踢腿都走光

春麗有乜大呀?雙大髀好粗大,眼睛好大,身材都應大則大,我諗春麗本人都好滿意。But,如果變成高過雲層飛機大唔過手掌、求其行一步路都唔知踩死幾多人、撥吓手都可以推塌一層樓嘅巨人呢?春麗就皺晒眉頭嘞。原因?呢條由YouTube頻道「Giantess Lover Kitai」製作嘅短片《Giantess chun li growth》畀到答案你,我懷疑係因為身形太巨大,係人岳高頭都可以偷影到裙底春光,走光呀大佬,梗係唔多Like喇。

Read more ›

有片:高手在民間 自己的Hulk自己搓
by / on 26/02/2018 at 7:00 pm

有片:高手在民間 自己的Hulk自己搓

我係好好好好好鍾意睇呢類Timelapse影片嘅,從來都說高手在民間,今次輪到Hulk雕塑。睇住創作者由零都有,如何精雕細琢,如何製模脫模再上色,當真賞心樂事。值得一提係顏色,個人認為Hulk嗰隻綠色係好難捉摸嘅,大綠唔係,暗綠又暗唔晒,青色就更加稱唔上,係屬於難以形容嘅曖昩式瘀瘀綠綠。顏色處理得好,肌肉紋理同五官表情亦值得好細緻,係好強嘅。

Read more ›
有片:Kyrie Irving拍電影《Uncle Drew》 Shaquille O’Neal客串係空手道高手?
by / on 26/02/2018 at 5:15 pm

有片:Kyrie Irving拍電影《Uncle Drew》 Shaquille O’Neal客串係空手道高手?

Kyrie Irving化老人妝打街場籃球嘅Uncle Drew系列影片,確實係幾好睇嘅。咁既然咁好睇咯,唔爭在食住個勢拍埋正式電影喇,片名就簡簡單單叫番《Uncle Drew》,主題當然係圍繞番籃球,除咗Kyrie Irving繼續以Uncle Drew身份擔綱演出外,仲有Reggie Miller同Nate Robinson等球星客串,而Nick Kroll造型一睇就知扮緊Stephen Curry。最過癮係Shaquille O’Neal,疑似飾演空手道高手,但又好熱血打籃球,一身造型搞鬼到直頭可以上番自己個節目《Shaqtin’ A Fool》,希望呢套戲6月可以喺香港上映啦,籃球迷必睇是也。

Read more ›
《古惑仔》送潮爆貼紙 賀伊文華唔使死
by / on 26/02/2018 at 4:41 pm

《古惑仔》送潮爆貼紙 賀伊文華唔使死

今期第2108期《古惑仔》封面,我覺得好型,南哥啖煙兼眼睥睥嘅表情,韓賓耷晒頭嘅肢體動作,好表達到韓賓呢個洪興龍頭對南哥「功高震主」嘅憂慮,內文韓賓同佐敦通話嘅幾段對白,亦非常精彩,睇嚟三聯離間計開始得逞。今期送「古惑仔父子」潮爆貼紙,我買嘅係雷霆同雷耀揚版,好Like;而更加Like嘅係,雖然俾小海打到仆街裂胸骨,但伊文華只需瞓床唔使死,算不幸中之大大大大大幸咯,我幾驚新年流流又死多件二代呀。

Read more ›
阿諾舒華辛力加Figure 搵塊布都無包兩個「丁丁」配件
by / on 16/02/2018 at 10:00 am

阿諾舒華辛力加Figure 搵塊布都無包兩個「丁丁」配件

我唔係女,但都想買呢個由「TBLeague」推出嘅「無縫鋼骨包膠男素體」,因為呢個Figure係阿諾舒華辛力加(Arnold Alois Schwarzenegger)。粗頸、橫向鎖骨、起展手瓜、起筋大髀、壯闊胸肌、誇張腹肌、深刻人魚線等等等等,塊塊肌理都係力的表現。最重現係,成隻Figure搵塊布都無嘅,睇相,雖然胯下之物打咗個「禁」字遮住,但又同時寫明「含兩個丁丁」配件,咁即係點?即係有兩個狀態囉,點樣兩個狀態法?唔使畫公仔畫出腸嘞啩。講明呀,只准18歲或以上人士購買。

Read more ›
有片:頭枕大髀四人聯浮 唔郁唔笑唔散
by / on 16/02/2018 at 9:00 am

有片:頭枕大髀四人聯浮 唔郁唔笑唔散

大年初一,祝賀語又同長輩們講完,利是又收完,飯又無咁快開,麻雀又無份打,咁有乜好做呢?如果連Board game都嫌玩到悶的話,不如試試擺呢個四人聯浮陣。拉開張凳都唔會跌,都係啲頭枕喺大髀互相緊扣嘅力學嘢,唔關甚麼奇妙的人體事。秘訣係要絕對信任隊友,唔好忍唔住笑,唔好亂咁郁,唔郁一定四平八穩。係無聊架,不過玩吓啫,有啖笑吖嘛。

Read more ›

網圖分享:開心睇2018狗年賀圖
by / on 16/02/2018 at 12:01 am

網圖分享:開心睇2018狗年賀圖

瞓咗未?家陣係大年初一喇,本網站謹祝大家新年進步,萬事勝意,最重要係健健康康,玩得食得瞓得。睇完以下賀圖就早啲休息,瞓醒快啲去拜年,逗多啲利是呀喂。

Read more ›
《古惑仔》送超靚素描年曆卡 伊文華過唔到狗年?
by / on 15/02/2018 at 7:50 pm

《古惑仔》送超靚素描年曆卡 伊文華過唔到狗年?

今期第2015及2016期孖寶號《古惑仔》送素描賀年卡,一如上期有陳浩南版同大飛版兩款選擇,又一如早幾日咁樓下報紙檔只得大飛版賣,奇怪。張大飛賀年卡真係畫得好靚,倫裕國手畫真係無得頂,不得不寫個服字!今期孖寶號,一次過睇兩期,感覺一氣呵成好多,尤其采妮趕南哥出門口又跪南哥嗰幾格,究竟求南哥啲乜呢?係咪已經Sure咗豹子健已經係游子健?之後又整多格南哥疑似功高蓋主唔放洪興龍頭韓賓在眼內,啲衝突位開始慢慢浮出嚟嘞,估計呢Part故事應該幾正!不過我驚嘅係,為咗製造高潮兼煲勁小海武值同頭腦,牛佬好似想整死伊文華咁款喎。唉,最好唔好喇,二代死吓一個死吓又一個,斷估好多讀者都會同我一樣,好傷心架。

Read more ›
參考迪嘉《覆長輩圖》 年初一無懼姨媽姑姐拜年
by / on 15/02/2018 at 6:45 pm

參考迪嘉《覆長輩圖》 年初一無懼姨媽姑姐拜年

聽日就係大年初一,一年先見一次半次嘅大姨媽二姑姐三叔公四舅父五叔六嬸七表哥八表姐,又一年一次地闖入你屋企拜年。通常,正常,你都想快快收完利是就閃人,因為怕咗呢班親戚問長問短──幾時結婚呀?買咗樓未呀?拍拖拍咁耐嘅?唔正正經經搵份工?諸餘此類嘅問題,對無車無樓無仔/女嘅我你他她嚟講,確實非常難堪。為此,迪嘉製作咗四幅《覆長輩圖》,大家大可以參考吓,之後一句彈埋去:「你大我呀?」又或反寸:「食翅啦你!」嘩,真係多麼的有氣勢,委實型到核爆。

Read more ›
真‧男人的浪漫 Yas Cheng自資出版《回憶那天-YAS全仕事集》送朋友
by / on 15/02/2018 at 6:21 pm

真‧男人的浪漫 Yas Cheng自資出版《回憶那天-YAS全仕事集》送朋友

男人的浪漫,又豈只豆腐火腩飯,應該包括埋自資出版畫集,仲要免費送畀朋友,仲要租埋場地免費送畀朋友。《回憶那天-YAS全仕事集》屬Yes Cheng個人畫作結集,將會喺動漫基地免費派發,送完即止,屆時仲有限量明信片添。嗯,或者大家會諗,三唔識七攞人嘢好唔係咁好喎,我就咁諗,是次贈書活動誠真正以畫會友也,上到去,就算唔攞書又或攞唔到書,但可以同Yas Cheng影張相,交個朋友都唔錯。

Read more ›

人氣話題

14107 views

【2018出GAME表】 7月至8月 [PS4 / XBox One / Switch / PC / 3DS / PS Vita]

10807 views

個樽靚喎!Evangelion x 沙嗲王後日始動

10498 views

【多圖】「店員」Twitter出圖 秋葉原「野郎ラーメン」變《閃乱カグラ》主題店

10331 views

冇電話冇相機點算好?圍影Coser奇妙龍

9373 views

【有片】C94 Coser 又嚟《工作細胞》白血球