主頁, 人物專訪, 專題熱話 — 16/09/2012 at 12:52 am

三日16萬Views《Sleeping Dogs》真人短片《推銷仔之大佬遮天》製作單位Bomba專訪

by

雖然隻廣東粗口陳冠希配音無間道遊戲《Sleeping Dogs》都出咗成個月,爆嘅爆咗放嘅放埋,但近排就有條由本地單位Bomba製作嘅宣傳短片《推銷仔之大佬遮天》,喺Youtube擺咗三日就有16萬個views。之前拍過《Monster Hunter》真人版、《街霸 X鐵拳》真人版嘅Bomba,有Fox、Eminleo、Kibi等人參與創作,到底咩料?今次搵咗其中兩人做訪問,係冇主腦之一嘅Eminleo份,點解?佢話真係趕時間,唔做訪問喎。

Bomba x eminleo影片
httpvh://www.youtube.com/watch?v=FBuGzHYQYZo

其實呢個訪問喺GameoverHK啱啱開網時已經做咗,但因為本網猛料如雲、新料日日有、人手又唔夠,佢哋之前條片又出咗一排……好,我認,簡單嚟講係我懶,所以一直都未出。今次乘住佢哋呢條片個勢,再唔寫太對唔住佢哋喇……

諗番訪問嗰日係喺城大進行嘅,Fox就係喺呢度讀會計。當初點解會拍片呢?都係為興趣嗰啲啦,而Kibi就係Fox嘅中學同學,之後試吓試吓,發覺越嚟越有興趣之餘,啲片都幾多人睇,所以就開始越拍越多,越拍越Pro,Fox話:「見到外國網上啲片會加晒特效咁,好睇好多,於是就開始上網搵唔同資料同教學,希望為影片加入特別效果。」自學!Fox話佢喺《Monster Hunter》真人版同《街霸 x 鐵拳》真人版加嘅效果係喺網上自學嘅,「不過都幾花時間,你睇可能係一個好短嘅特效,但其實都要用幾個鐘去整。」越玩越大壇,梗係要人幫手!「後尾都搵咗學校讀電影嘅同學齊齊幫手。」想睇番佢哋以前嘅作品,拉落最底就有喇。

喺Bomba影片中,成日都有個好搶眼、好搞笑又有少少乞人憎嘅演員,叫Kibi,亦即係《推銷仔之大佬遮天》個推銷員。「點解成日上鏡?唔係我表演慾強呀,而係Budget有限……」佢只係講緊早期嘅影片啫,不過人紅咗就係咁,o依家想退落嚟都難……唔好鬧住,以上呢兩句我講嘅。佢就話:「我以前做過好多唔同嘅工作,地產、侍應都做過,o依家就想參與多啲幕後工作啦。吓?乜我真係適合做演員咩?係咩?真係咩?」佢又撥頭髮……

網上影片越嚟越多人睇,自然越嚟越多人拍,Fox點睇?「多啲人一齊玩梗係好啦!我都係因為拍片所以先識到Eminleo,先會有機會同佢合作。至於未來,我希望有機會拍真正嘅電影,當然拍網上嘅影片咁好玩咁自由,都仍然會繼續啦,仲希望同多啲唔同品牌、單位合作。」製作認真,唔係靠把口,Fox認真到睇完我哋段訪問片之後,仲唔怕嘥時間幫我哋剪埋,唔該晒。

今次我補問多Fox同Kibi幾句佢哋今次拍呢條片嘅感受,即睇先:

(導演)Fox:
1.導演這條新片有甚麼難度?
難度主要來自自己想進步的壓力,所以今次在場景、燈光、人物性格刻劃、鏡頭結構方面都花了很多心思,希望帶給觀眾耳目一新的感覺。例如有些只是4秒鐘的畫面,也用了差不多2小時去度橋。

2.花了多少天完成拍攝?有甚麼趣事發生?
用了五天時間拍攝。趣事離不開KIBI NG(片段尾段有播),哈哈。

3.當大佬那演員有點張耀揚feel,是特別找來的?好像是你弟弟吧?
對呀,原意我們是想找真的張耀揚來拍,但因為某些原因放棄了,最後CAST了10個人都搵不到適合的。有天在家吃飯時,看見弟弟FELIX,覺得他有點像張耀揚,CASTING後決定採用他。

4.有沒有玩Sleeping Dogs這遊戲?感覺怎樣?
不錯,很有趣,但故事有點太短,粗口如果可以再地道一些便更加FIT!

5.遊戲內有廣東話粗口,原來是吸引之處?
是呀,畢竟這是第一隻GAME以廣東話粗口為主題,玩上來很有感覺。

6.和之前《街霸 x 鐵拳》的影片相隔了差不多半年,再次拍有關於遊戲的影相感覺怎樣?心情有甚麼分別?
很多謝SCEH再次給予我們機會,給予我們極高自由度和創作空間(這點很重要)。心情上,我和我的團隊只想做得更好。

7.這次好像沒有加甚麼特別效果?
特別效果是輔助性質,劇本上不太需要,我們也不會強加。同時亦很感謝SCEH尊重我們的創作自由。

8.平常喜歡玩甚麼類型遊戲?現在正在玩甚麼遊戲?
平常玩CALL OF DUTY。現在比較忙,少玩。

9.還有甚麼遊戲想用以創作拍成短片?
鎗GAME,但需要人SUPPORT及贊助,因為我拍片只想認真去拍,一定要找動作指導龍虎舞師,不想玩玩下。

(演員)Kibi:
1有沒有玩Sleeping Dogs這遊戲?感覺怎樣?
有啊,好具香港特色,不過粗口差少少。

2再次擔正做男主角,有甚麼感想?
其實我從未擔正過,哈哈!當然好開心,估不到有這次機會,要多謝EMINLEO。

3演這個角色有甚麼感覺?有甚麼準備功夫?
原來古惑仔的角色都可以風趣好笑,剛好我長頭髮可以配合不同場景需要,這個角色有一個SHOOT拍時需要忍笑,NG了很多次,哈哈!
準備功夫是要搜集多些寬頻銷售員的特點,街邊SALES推廣時的動作和神髓,還有看多些《古惑仔》。

4平常喜歡玩甚麼類型遊戲?現在正在玩甚麼遊戲?最想演甚麼遊戲角色?
平常喜歡玩ARPG,策略類多,特別迷高達與機戰系列。
現在正在玩PSP的數碼暴龍,很有童年感覺(千萬不要取笑我),期待ONLINE GAME是魔獸世界,正等著那更新熊貓人!
將來有機會的話,比較想演的遊戲角色,有漫畫《ONE PIECE》入面的角色如卓洛,巴基,還有芒亨內做個真正的砍龍獵人,自己本身都頗為喜歡動作方面的演繹。

訪問片段:
httpvh://www.youtube.com/watch?v=6klO6VXNa24

回帶:
《Monster Hunter》真人版
httpvh://www.youtube.com/watch?v=f9MunnxwEDY

《街霸 X 鐵拳》真人版
httpvh://www.youtube.com/watch?v=FP7SjxdxQOc&feature=relmfu

Tags

人氣話題

14107 views

【2018出GAME表】 7月至8月 [PS4 / XBox One / Switch / PC / 3DS / PS Vita]

10807 views

個樽靚喎!Evangelion x 沙嗲王後日始動

10498 views

【多圖】「店員」Twitter出圖 秋葉原「野郎ラーメン」變《閃乱カグラ》主題店

10331 views

冇電話冇相機點算好?圍影Coser奇妙龍

9373 views

【有片】C94 Coser 又嚟《工作細胞》白血球